მეტროსადგურ ვაჟა-ფშაველაზე ლიანდაგებში მგზავრი გადავარდა - საბურთალოს ხაზზე მოძრაობა მთლიანად შეჩერებულია
მეტროსადგურ ვაჟა-ფშაველაზე ლიანდაგებში მგზავრი გადავარდა. როგორც "ინტერპრესნიუსს" "თბილისის სატრანსპორტო კომპანიაში" განუცხადეს, ამ დროისთვის, საბურთალოს ხაზზე მოძრაობა მთლიანად შეჩერებულია.
მოქალაქე, რომელიც მეტროსადგურ ვაჟა-ფშაველაზე ლიანდაგებში გადავარდა, საგანგებო სიტუაციების მართვის სამსახურის თანამშრომლებმა ამოიყვანეს.
მგზავრი სასწრაფო დახმარების სამსახურის თანამშრომლებმა კლინიკაში გადაიყვანეს.
"ჯერჯერობით, უცნობია მისი ჯანმრთელობის მდგომარეობა" - აცხადებენ "თბილისის სატრანსპორტო კომპანიაში".