"არ მჯერა, რომ 25 წლის შემდეგ კვლავ მერგება" - დევიდ და ვიქტორია ბეკჰემები ქორწინების 25 წელს აღნიშნავენ და ის სამოსი მოირგეს, რომელიც ქორწილში 25 წლის წინ ეცვათ (ფოტოები)
უცხოური ბომონდის გამორჩეული წყვილი დევიდ და ვიქტორია ბექჰემები ქორწინების 25 წლის იუბილეს აღნიშნავენ. ამ დღის აღსანიშნავად ფოტოსესია მოაწყვეს, სადაც ის იისფერი სამოსი მორიგეს, რომელიც 1999 წელს, ქორწილში ეცვათ.
50 წლის ვიქტორია ანტონიო ბერარდის კაბაში პოზირებდა, 49 წლის დევიდი კი იმავე ფერის კოსტიუმში.
"ნახეთ, რა ვიპოვეთ. არ მჯერა რომ 25 წელი გავიდა და ეს სამოსი კვლავ მერგება", - წერს ვიქტორია "ინსტაგრამზე".
- Netflix-ის დოკუმენტურ სერიალში ვიქტორიამ ერთხელ უკვე ისაუბრა ამ ჩაცმულობაზე და აღიარა, რომ შთაგონებული იყო ჯესიკა სიმპსონის იმიჯით.
"ეს იყო სახალისო. ჩვენ არ ვნერვიულობდით იმაზე, თუ რას იტყოდა ხალხი. ღმერთო, მშვენიერია, როდესაც ეს უბრალოდ არ გაინტერესებს", - თქვა ვიქტორიამ. დევიდმა დაამატა, რომ ის უბრალოდ ვიქტორიას იმიჯით იყო შთაგონებული.
ადრე ვიქტორიამ და დევიდმა განაცხადეს, რომ არ ესმოდათ, როგორ გადარჩა მათი ქორწინება 25 წელი. მწერალ ტომ ბაუერის წიგნი "ბექჰემის სახლი“ ცოტა ხნის წინ გამოსცეს, სადაც საუბარია დევიდ ბეკჰემის მხრიდან ცოლისთვის ღალატის ეპიზოდებზე.
"დევიდს ბევრი საყვარელი ჰყავდა და ფაქტობრივად, ოჯახი მხოლოდ "ბექჰემის ბრენდის" გამო შეინარჩუნეს, რადგან მათი ურთიერთობა უფრო "საქმიანია", ვიდრე რომანტიკული", - წერს მწერალი.
დევიდ და ვიქტორია ბექჰემებმა 1999 წელს იქორწინეს. წყვილს ოთხი შვილი ჰყავს - სამი ვაჟი და ერთი ქალიშვილი. დევიდი და ვიქტორია ხშირად უცხადებენ საჯაროდ ერთმანეთს სიყვარულს და ძლიერი გრძნობების მქონე წყვილის იმიჯს ინარჩუნებენ. ქორწინების 25 წელზე მეტი ხნის განმავლობაში, დევიდმა ვიქტორიას 15 ნიშნობის ბეჭედი აჩუქა მათი სიყვარულის პატივსაცემად.