უნგრეთის პრემიერ-მინისტრი, ვიქტორ ორბანი მოსკოვში ჩავიდა. ევროკავშირის ლიდერები მას აკრიტიკებენ და აღნიშნავენ, რომ ორბანი რუსეთში EU-ს არ წარმოადგენს და რომ უკრაინასთან დაკავშირებული მოლაპარაკებების წარმართვის მანდატი ევროკავშირისგან მას არ აქვს.
აღნიშნულ თემაზე პირველ განცხადებებს აკეთებენ უკვე ევროპელი ლიდერები. ესტონეთის საგარეო საქმეთა მინისტრის, მარგუს ცაჰკნას თქმით, ორბანი არ წარმოადგენს ევროკავშირს და არც ევროკავშირის სახელით განხილვის მანდატი აქვს. "სიტყვები არ მყოფნის, რომ გამოვხატო ჩემი იმედგაცრუება და უკმაყოფილება ორბანის პუტინთან შეხვედრის გეგმასთან დაკავშირებით. ორბანი არ წარმოადგენს ევროკავშირს და არც ევროკავშირის სახელით განხილვის მანდატი აქვს. ეს შეხვედრა არ შეესაბამება ევროპული საბჭოს თავმჯდომარე ქვეყნის მოვალეობებს. ჩვენ ვდგავართ უკრაინის გვერდით“, – წერს ცაჰკნა X-ის ოფიციალურ გვერდზე.