"ყველაფერს აქვს საზღვარი" - ალა პუგაჩოვამ კიევის ბავშვთა საავადმყოფოზე თავდასხმა საჯაროდ დაგმო

ალა პუგაჩოვამ საჯაროდ დაგმო ოხმატდიტის ბავშვთა საავადმყოფოს დაბომბვა. პრიმადონამ ხაზი გაუსვა იმ ფაქტს, რომ ოკუპანტები ძალიან შორს წავიდნენ.

8 ივლისს რუსეთის საოკუპაციო ძალებმა კიევზე სარაკეტო შეტევა განახორციელეს. ოხმატდიტის ბავშვთა საავადმყოფო მტრის ცეცხლის ქვეშ მოექცა. ამ ფაქტს გამოეხმაურა ცნობილი რუსი მომღერალი ალა პუგაჩოვა, რომელიც სრულმასშტაბიანი ომის შემდეგ უკრაინის მხარეს დადგა.

მან საკუთარ ინსტაგრამზე პოსტი გამოაქვეყნა, სადაც დაგმო რუსეთის ფედერაციის ქმედებები. კერძოდ, მომღერალმა დაბომბილი საავადმყოფოდან სისხლიანი ბავშვის კადრი გააზიარა, რომელიც ოხმატდიტზე თავდასხმის შედეგად დაშავდა. ამრიგად, მომღერალმა მხარი დაუჭირა უკრაინელებს და კიდევ ერთხელ გამოხატა თავისი პოზიცია ომთან დაკავშირებით.

ფოტოს წარწერაში მან ხაზგასმით აღნიშნა, რომ პუტინმა და მისმა რეჟიმმა ყველა ზღვარი გადალახეს და კიდევ ერთი დანაშაული ჩაიდინეს კაცობრიობის წინააღმდეგ.

"ღმერთი მომთმენია, მაგრამ ყველაფერს აქვს საზღვარი", - აღნიშნა ალა პუგაჩოვამ.

წაიკითხეთ ასევე:

• "დამირეკა და მითხრა, რომ ერთ თვეში უნდა წავიდე აქედან, ალბათ, რაღაც იცის" - რის შესახებ აფრთხილებს ალა პუგაჩოვა მეგობრებს? მომღერალი მათ რუსეთის დატოვებისკენ მოუწოდებს
• "მოხალისეებისთვის უცნობმა პირმა მოწამლული წყალი მიიტანა, ნანგრევებიდან 2 ბავშვისა და დედის ცხედარი ამოასვენეს" - კიევის დაბომბვის უმძიმესი დეტალები