22 წლის წინ გაუჩინარებული მთამსვლელი გაყინული იპოვეს - რა დეტალები ხდება ცნობილი?
მთამსვლელი, რომელიც 22 წლის წინ თოვლიან მწვერვალზე გაუჩინარდა, გაყინული იპოვეს.
- ამერიკელი მთამსვლელი უილიამ შტამპფლი 2002 წლის ივნისში დაკარგულად გამოცხადდა, მას შემდეგ, რაც ის პერუში, უასკარანის მთის ფერდობზე ზვავმა დამარხა.
საინფორმაციო სააგენტო AFP-ის ცნობით, იმ დროს 59 წლის მამაკაცის ძებნისა და გადარჩენის მცდელობები უშედეგო აღმოჩნდა - ის ვერ იპოვეს. შტამპფლის სხეული ორ ათწლეულზე მეტი ხნის განმავლობაში გაყინული იყო.
პოლიციის განცხადებით, სხეული, პერუს ყინულის მიერ კარგად იყო შენახული და ახლა გლობალური დათბობით გამოწვეული ტემპერატურის მატების ფონზე აღმოაჩინეს.
შტამპფლის ცხედარს ჯერ კიდევ შემორჩენილი აქვს ტანსაცმელი, აღჭურვილობა და ჩექმები და ის მის ნივთებთან ერთად იპოვეს, რამაც პოლიციას მისი იდენტიფიცირების საშუალება მისცა.
უასკარანი 6,700 მეტრზე მაღალია და ანდების კორდილიერა-ბლანკას მთათა სისტემის ნაწილია.
ეს მთები მთელი მსოფლიოს მთამსვლელთა შორის სარგებლობს პოპულარობით, მაგრამ მათი დაპყრობა სახიფათოც შეიძლება, იყოს.