ტრაგედია ბათუმში - მშენებლობაზე დასაქმებული არასრულწლოვანი სიმაღლიდან ვარდნის შედეგად გარდაიცვალა
ბათუმში სიმაღლიდან ვარდნის შედეგად არასრულწლოვანი გარდაიცვალა.
ადგილობრივების ინფორმაციით, ბიჭი მეოთხე სართულიდან გადავარდა, იგი ერთ-ერთ სამშენებლო ობიექტზე იყო დასაქმებული.
სასწრაფო-სამედიცინო დახმარების ცენტრში AMBEBI.GE-ს განუცხადეს, რომ ბიჭი ექიმების ბრიგადას უკვე გარდაცვლილი დახვდა.
- AMBEBI.GE ინფორმაციით, ბათუმში ლეონიძის ქუჩაზე მდებარე შოთა რუსთაველის სახელობის სახელმწიფო უნივერსიტეტის სტუდენტთა საერთო საცხოვრებლის სახურავის რეაბილიტაცია მიმდინარეობდა, როდესაც ახალგაზრდა მამაკაცი ჩამოვარდა. სამუშაოებს ტენდერში გამარჯვებული კომპანია “ალიგატორი-1” აწარმოებდა.
შემთხვევის ადგილზე შრომის ინსპექციის თანამშრომლები მივიდნენ. მათი წარმომადგენელი ამბობს, რომ ობიექტზე უსაფრთხოების ზომებს ამოწმებენ. მათივე განმარტებით, მათთვის უცნობია გარდაცვლილი არის თუ არა არასრულწლოვანი.