14-16 აგვისტოს „პალიტრა L“ ბათუმს ესტუმრება და მკითხველს ღონისძიებათა სერიას შესთავაზებს
„პალიტრა L-ი“ ლიტერატურულ ტურნეს აგრძელებს. ამჯერად, გამომცემლობა ბათუმს ესტუმრება, სადაც მკითხველს თანამედროვე ავტორებთან შეხვედრისა და დისკუსიის, ასევე სპეციალური შეთავაზებებითა და ფასდაკლებით სარგებლობის შესაძლებლობა ექნება.
- 14-დან 16 აგვისტოს ჩათვლით მკითხველს საშუალება ექნება, მაკულატურა წიგნებში გადაცვალოს. გამომცემლობის წარმომადგენლები სტუმრებს ბათუმის შოთა რუსთაველის სახელობის სახელმწიფო უნივერსიტეტის ეზოში უმასპინძლებენ;
- 15 აგვისტოს, 18:30 საათზე, „ბიბლუსი გალერეაში“ შეხვედრა გაიმართება ისეთ თანამედროვე ქართველ ავტორებთან, როგორიცაა თათული ღვინიანიძე, თინათინ ბერიძე, მალხაზ ასლამაზაშვილი, ნიკოლოზ ტოტოღაშვილი და ირაკლი არიშვილი;
- 16 აგვისტოს, 16:00 საათზე, „ბიბლუსი გალერეაში“ მკითხველი ლელა ცუცქირიძესა და ვასო გულეურს შეხვდება.
„პალიტრა L-ის“ ტურნეს მიზანია კითხვის პოპულარიზაცია წიგნზე ხელმისაწვდომობის გაზრდა, რისთვისაც გამომცემლობა ყოველ ზაფხულს აწყობს ლიტერატურულ ტურნეს მთელი საქართველოს მასშტაბით. პროექტი უკვე დასკვნით ეტაპზეა. ივნისიდან დღემდე „პალიტრა L-ი“ თანამედროვე ავტორებთან ერთად საქართველოს სხვადასხვა ქალაქს ესტუმრა და ყველა ასაკის მკითხველისთვის საინტერესო ღონისძიებები მოაწყო. ამასთან, მკითხველს შესაძლებლობა მისცა, ესარგებლა ფასდაკლებით და პროექტ „მაკულიტერატურის“ ფარგლებში მაკულატურა წიგნებში გადაეცვალა.
არ გამოტოვოთ ღონისძიებათა სერია ბათუმში, ჩაერთეთ ლიტერატურულ ტურნეში და ისარგებლეთ სპეციალური შეთავაზებებით ბესტსელერ წიგნებზე.
R