დაკავებულია კესარია აბრამიძის მკვლელობაში ბრალდებული - რა დეტალები ხდება მასზე ცნობილი?
AMBEBI.GE-ს ინფორმაციით, კესარია აბრამიძის მკვლელობაში ბრალდებული მამაკაცი დაკავებულია. ის პოლიციამ ცოტა ხნის წინ აიყვანა.
- ჩვენი ინფორმაციით, მკვლელობაში ბრალდებულია სენაკელი მამაკაცი ბ.ჯ., რომელსაც სამართალდამცავები გუშინდელი საღამოდან ეძებდნენ. ერთ-ერთი ვერსიით, მკვლელობის მიზეზი ფოტო გახდა, რომელიც რამდენიმე საათის წინ კესარიამ სოციალურ ქსელში, "სთორიზე" გამოაქვეყნა. ძებნილი ბ.ჯ. სენაკიდანაა და ცნობილია, რომ ერთ-ერთ ბარის დაცვის თანამშრომელია.
მოკლულის ახლობლების ინფორმაციით, კესარია აბრამიძე საკუთარ სახლში დივანთან იპოვეს. მას ყელის არეში ჰქონდა მიყენებული ჭრილობა.
წყარო კი გვიყვება, რომ მეზობლებმა ყვირილის ხმა გაიგეს, შემდეგ კი აივანზე მამაკაცი შენიშნეს, რომელიც სიგარეტს ეწეოდა.
"ამის შემდეგ სახლი დატოვა. მეზობლები თავიდან სახლში შესვლას ვერ ბედავდნენ, თუმცა ერთ-ერთი მაინც შევიდა და კესარია აბრამიძე სისხლის გუბეში დაინახა. სავარაუდოდ, მკვლელმა საძილე არტერია გადაუჭრა" - გვიყვება წყარო.
წაიკითხეთ ასევე: