ბოლივიის ექსპრეზიდენტს მოზარდის გაუპატიურებაში ადანაშაულებენ - თინეიჯერი დაორსულდა და ბავშვი გააჩინა: სკანდალური საქმის დეტალები
ბოლივიის ყოფილ პრეზიდენტს, ევო მორალესს მოზარდის გაუპატიურებაში სდებენ ბრალს. შემთხვევა რვა წლის წინ მოხდა, როდესაც სავარაუდო მსხვერპლი 15-16 წლის იყო.
- არსებული ინფორმაციით, მოზარდი დაორსულდა და გოგონა გააჩინა.
ბავშვის დაბადების მოწმობაში კი მამად ჩაწერილია 64 წლის ევო მორალესი.
მორალესს ბოლივიის პრეზიდენტის თანამდებობა 2006-2019 წლებში ეკავა. ამჟამად მიმდინარეობს გამოძიება და საქმის მასალებიდან ზოგიერთი დეტალი მედიისთვის გახდა ცნობილი.
სკანდალური ინფორმაციის გავრცელების პარალელურად, მორალესმა X-ზე პოსტი გამოაქვეყნა და დაწერა:
- "არც მიკვირს და არც ვნერვიულობ. ყველა ნეოლიბერალური ხელისუფლება, მათ შორის ამჟამინდელი, მემუქრებოდა, მდევნიდა, მაპატიმრებდა, ცდილობდა ჩემს მოკვლას. არ მეშინია! ვერ გამაჩუმებენ", - წერს ექსპრეზიდენტი.
აღსანიშნავია, რომ პროკურორმა მორალესის დაპატიმრება მოითხოვა, თუმცა მოსამართლემ უარი თქვა ამ მოთხოვნაზე, ვიდრე გამოძიება არ დასრულდება.