მასშტაბური სტიქია და ფოტოები ბოსნია და ჰერცეგოვინიდან, სადაც წყალდიდობის შედეგად 21 ადამიანი დაიღუპა
ბოსნია და ჰერცეგოვინაში წყალდიდობის შედეგად 21 ადამიანი დაიღუპა, - ამის შესახებ ინფორმაციას სააგენტო Reuters-ი ადგილობრივ მედიაზე დაყრდნობით ავრცელებს.
Reuters-ის ცნობით, ბოსნია და ჰერცეგოვინაში, სარაევოს სამხრეთ-დასავლეთით მდებარე იაბლანიცის რაიონში, მაშველები ათეულობით ადამიანს ეძებენ.
„არის სოფლები, რომლებიც ჯერ კიდევ მიუწვდომელია და არ ვიცით, იქ რას ვიპოვით“, - განაცხადა სამაშველო სამსახურის წარმომადგენელმა.
