მასკმა წარადგინა რობოტაქსები, რომლებიც საჭის, პედლების და მძღოლის გარეშე იმოძრავებს - რა ეღირება რევოლუციური ტრანსპორტი?
ილონ მასკმა წარმოადგინა პირველი რობოტაქსი Cybercab, რომელიც ქუჩებში საჭის, პედლების და მძღოლის გარეშე გადაადგილდება.
-
თვითმართვადი რობოტაქსის ფასი 30 ათასი დოლარი ეღირება, მგზავრობის საფასური კი ერთ მილზე 20 ცენტი იქნება.
მასკის თქმით, მასიური წარმოების დაწყება 2026 წელს იგეგმება.
-
გარდა ამისა, Tesla-მ წარადგინა მიკროავტობუსი Robovan. მილიარდერის თქმით, მინივენი იმუშავებს ლიფტის პრინციპით - დააჭირე ღილაკს და დაისვენე. დანარჩენს Robovan გააკეთებს.
მას შეუძლია 20 ადამიანის გადაყვანა.
“Robovan -ის წარმოება 2027 წლამდე დაიწყება,“ - განაცხადა ილონ მასკმა.
ხმაურიანმა მილიარდერმა პრეზენტაცია კალიფორნიაში, Warner Bros. Studios-ში გამართა. მასკი ღონისძიებაზე შავი ტყავის ქურთუკით გამოჩნდა. სტუმრებს სასმელით რობოტები უმასპინძლდებოდნენ.
მასპინძელმა პირობა დადო, რომ ავტონომიურად მართვად სისტემას Tesla -ს Model 3 და Model Y- შიც განათავსებს.
"ეს იქნება დიდებული მომავალი და გადაარჩენს ბევრ სიცოცხლეს, თავიდან აგვაცილებს დაზიანებებს, ”- განაცხადა მასკმა.
იხილეთ ასევე:
ახალი ეპოქის დასაწყისი: ვინ არის მილიარდერი, რომელიც ილონ მასკის SpaceX-მა ღია კოსმოსში გაიყვანა?