"დედაჩემი აქციაზე მოდიოდა მხოლოდ იმიტომ, რომ თავისი მოქალაქეობრივი ვალი მოეხადა და არა იმიტომ, რომ ვიღაც მცემდა" - რას წერს ტრაგიკულად დაღუპული ქალის შვილი
თბილისში ტრაგიკულად დაღუპული ქალის შვილი პოსტს ავრცელებს და ამბობს, რომ ტყუილია გავრცელებული ინფორმაცია, თითქოს დედამისი აქციაზე მის დასახმარებლად მიდიოდა.
- თამუნა კუბლაშვილი წერს, რომ ელზა მებურიშვილს სურდა საკუთარი მოქალაქეობრივი ვალი მოეხადა და ამიტომ მიდიოდა რუსთაველის გამზირზე.
"ყველამ ვიცით ქვეყანაში რა სიტუაციაა და ყველას გვტკივა გული.თუმცა ჩემი ტკივილის გამოყენება თქვენი პიარისთვის, ტყუილი ინფორმაციის გავრცელება და მსგავსი მანიპულაციით ცეცხლზე ნავთის დასხმა ამაზრზენია!
დედაჩემი აქციაზე მოდიოდა მხოლოდ იმიტომ, რომ თავისი მოქალაქეობრივი ვალი მოეხადა და არა იმიტომ, რომ ვიღაც მცემდა!ისწავლეთ სხვისი პირადი სივრცის პატივისცემა და დატოვეთ რამე წმინდა!" - წერს გარდაცვლილის შვილი.
ცნობისთვის, ტრაგედია თბილისში წუხელ დატრიალდა. ავტოსაგზაო შემთხვევას ქალბატონი ემსხვერპლა. არსებული ინფორმაციით, შემთხვევა იმ დროს მოხდა, როცა ის რუსთაველის გამზირზე საპროტესტო აქციაზე მიდიოდა. ტრაგიკული შემთხვევა ფონიჭალაში მოხდა. როგორც გავარკვიეთ გარდაცვლილი ქალბატონი ელზა მებურიშვილია.
ნახეთ ასევე:
- ტრაგედია თბილისში: ავტოსაგზაო შემთხვევას ქალი ემსხვერპლა - "ეს ფოტო იყო ბოლო, რაც გამომიგზავნე აქციიდან და გაფრინდი"
- "დიდი მწუხარებით ვიუწყებით, რომ ტრაგიკულად დაიღუპა ჩვენი კოლეგა... აქციაზე მიდიოდა, როცა ავტოავარიაში მოყვა" - "ჯიპიაი ჰოლდინგის" განცხადება
- "ძალიან ცოტა ვართ ქართველები საიმისოდ, რომ "სხვისი ჭირი, ღობეს ჩხირი" იყოს" - რას წერდა 3 დღის წინ ქალი, რომელიც აქციაზე მიდიოდა და ავარიამ იმსხვერპლა