Reuters-ის წლის 20 საუკეთესო ფოტოს შორის ქართველი ფოტოგრაფის ნამუშევარი მოხვდა - ნახეთ შთამბეჭდავი კადრები, 2024 წლის ყველაზე სანახაობრივი მოვლენებიდან

Reuters-ის წლის ფოტოებში ქართველი ფოტოგრაფის ირაკლი გედენიძის ფოტო მოხვდა, რომელზეც კომეტა C/2023 A3-ია გამოსახული. ფოტო 2024 წლის 30 ოქტომბერს, დიდგორის მემორიალზეა გადაღებული.

• "ფოტოზე ჩანს კომეტა C/2023 A3 - ცუჩინშან-ატლასი, ღამის ცაზე მემორიალზე. 2024 წლის 30 ოქტომბერი. დიდგორი/საქართველო" - ვკითხულობთ ფოტოს აღწერაში.

ცნობისთვის, კომეტამ C/2023 A3 მზეს ყველაზე ახლოს 27 სექტემბერს ჩაუარა, რა დროსაც მასსა და ჩვენს ვარსკვლავს შორის დისტანცია 58.6 მილიონი კილომეტრი გახდა. ამის შემდეგ იგი 9 ოქტომბერს, მზის ჩასვლისასაც გამოჩნდა.