"რუსეთმა პუტინის უგუნურებისთვის საოცარი ფასი გადაიხადა" - აშშ-ის თავდაცვის მინისტრის განცხადება

რუსეთმა პუტინის უგუნურებისთვის საოცარი ფასი გადაიხადა - 2022 წლის თებერვლიდან 200 მილიარდ დოლარზე მეტი გაანიავა და მისმა დანაკარგებმა სულ მცირე 700 000 ჯარისკაცი შეადგინა, - ამის შესახებ აშშ-ის თავდაცვის მინისტრმა, ლოიდ ოსტინმა განაცხადა.

• მისი თქმით, რუსეთის დანაკარგები უკრაინის წინააღმდეგ ომის პირველ წელს უფრო მეტი იყო, ვიდრე დანაკარგები მეორე მსოფლიო ომის შემდეგ მის ყველა კონფლიქტში ერთად.

ლოიდ ოსტინმა "რამშტაინის" ფორმატის შეხვედრის მნიშვნელობაზე ისაუბრა და აღნიშნა, რომ საერთაშორისო საკონტაქტო ჯგუფმა უკრაინას 57 მილიარდ დოლარზე მეტი ღირებულების პირდაპირი დახმარება გაუწია.

"საკონტაქტო ჯგუფმა ხელი შეუწყო იმის უზრუნველყოფას, რომ უკრაინას ჰქონდეს ის, რაც თავის დასაცავად და რუსული აგრესიის შესაჩერებლად სჭირდება. უკვე 24-ჯერ მოვიწვიე საკონტაქტო ჯგუფი. მისმა სხვა წევრებმა უკრაინისთვის, პირდაპირი დახმარების სახით, 57 მილიარდ დოლარზე მეტი გაიღეს“, - აღნიშნა ოსტინმა.

• ცნობისთვის, აშშ-სა და უკრაინის თავდაცვის მინისტრებმა, ლოიდ ოსტინმა და რუსტემ უმეროვმა ბრძოლის ველზე არსებული ვითარებასა და აშშ-ის მხრიდან უკრაინის სამხედრო დახმარების გაგრძელებაზე ისაუბრეს.

„მდივანმა ოსტინმა აცნობა მინისტრ უმეროვს აშშ-ის უსაფრთხოების შესახებ დახმარების შესახებ, რათა უზრუნველყოფილ იქნას ის შესაძლებლობები, რომელიც უკრაინას რუსული აგრესიასთან საბრძოლველად სჭირდება“, - აღნიშნულია ინფორმაციაში.

პენტაგონის ინფორმაციით, მხარეებმა მათ ასევე განიხილეს უკრაინის თავდაცვის საკონტაქტო ჯგუფის შემდეგი შეხვედრის დაგეგმვა და უკრაინის საერთაშორისო პარტნიორების მხრიდან უწყვეტი ძლიერი მხარდაჭერა.

შეგახსენებთ, უკრაინის თავდაცვის საკონტაქტო ჯგუფის შეხვედრა ე.წ. „რამშტაინის“ ფორმატში დეკემბერშია დაგეგმილი და ის, შესაძლოა, ლიდერების დონეზე ჩატარდეს.