"რამდენიმე წუთის წინ, აბაშიძეზე, გაიტაცეს ვატო ბჟალავა, ძაღლს ასეირნებდა და ხეზე მიაბმევინეს, სახლშიც არ ააყვანინეს" - აქტივისტი
არსებული ინფორმაციით, "რონდელის ფონდის" მკვლევარი, ვატო ბჟალავა დააკავეს. აღნიშნულის შესახებ მისი მეგობარი, აქტივისტი ნათია ჩიქოვანი „ფეისბუქზე“ წერს.
- მისივე ინფორმაციით, ბჟალავა სასამართლოშიც იყო დაბარებული.
"რამდენიმე წუთის წინ, აბაშიძეზე, გაიტაცეს ვატო ბჟალავა. თავის ცუგას ასეირნებდა და ძაღლი ხეზე მიაბმევინეს, სახლშიც არ ააყვანინეს, ისე გაიტაცეს. არ არის ორთაჭალაში და ვეძებთ!“,- წერს ნათია ჩიქოვანი.