ავტორი:

“ნიკა ყიფშიძის გული გაჩერდა ამერიკაში... ბოლომდე უხმოდ იტანდა ამ დამცირებას, ოღონდ რამდენიმე წუთით მაინც ვენახე“ - რას წერს მიხეილ სააკაშვილი მის პირად ექიმზე

“ნიკა ყიფშიძის გული გაჩერდა ამერიკაში... ბოლომდე უხმოდ იტანდა ამ დამცირებას, ოღონდ რამდენიმე წუთით მაინც ვენახე“ - რას წერს მიხეილ სააკაშვილი მის პირად ექიმზე

“ჩემი ახლო მეგობრის, ნიკა ყიფშიძის გული გაჩერდა ამერიკაში,“ - ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.

სააკაშვილი მისი პირადი ექიმის შესახებ საზოგადოებისთვის უცნობ დეტალებს იხსენებს.

  • ნიკოლოზ ყიფშიძე მიხეილ სააკაშვილს კლინიკა “ვივამედში“ თითქმის ყოველდღე აკითხავდა და მას გარკვეული პერიოდის განმავლობაში მკურნალობდა. საზოგადოებას მაშინ ექსპრეზიდენტის ჯანმრთელობის მდგომარეობის შესახებ ინფორმაციას სწორედ ნიკოლოზ ყიფშიძე და გიული ალასანია აწვდიდნენ.

“გამოჩენილი ქართველი ექიმების შთამომავალი, თვითონ მედიცინის დიდი ინოვატორი, უზარმაზარი რეპუტაციით სარგებლობდა ამერიკაში და ზოგადად საერთაშორისო მასშტაბით.

ჩემი თხოვნით მან პირველად შექმნა საქართველოში საერთაშორისო სტანდარტის "ემერჯენსი" 2005 წელს.

ეს იყო ადამიანი, რომლის მთავარი მოწოდება იყო სხვა ადამიანების დახმარება.

მანამ სანამ უშვებდნენ, ეტლით მოდიოდა ჩემთან ყოველდღე, რუსთავის ციხეში.

შემდეგ გორის ჰოსპიტალში, ღრმად ავადმყოფს "კოლეგები" 3-4 საათი აცდევინებდნენ ხოლმე ყინვაში და თოვლში გარეთ და მაინც ბოლომდე უხმოდ იტანდა ამ დამცირებას, ოღონდ რამდენიმე წუთით მაინც ვენახე მისი პაციენტი.

ძალიან კეთილშობილი ადამიანი დააკლდა ჩვენს პლანეტას,“ - წერს მიხეილ სააკაშვილი.