არსებული ინფორმაციით, ერაყში 9 წლის გოგონა 35 წლის კაცზე დააქორწინეს - რა ინფორმაცია ვრცელდება მედიაში

მას შემდეგ, რაც ერაყში გოგონებში ქორწინების ასაკი შეამცირეს, არსებული ინფორმაციით, 9 წლის ბავშვსა და 35 წლის მამაკაცს შორის პირველი ოფიციალური ქორწინება შედგა.

ამის შესახებ ადგილობრივი ტელეგრამ არხები იტყობინებიან. აღნიშნულზე წერს ასევე გამოცემა Starhit და ქორწილის ამსახველ ვიდეოსაც აქვეყნებს.

• ინტერნეტში გამოქვეყნებულ კადრებში საქორწინო კაბაში გამოწყობილი პატარა გოგონა ჩანს, რომელიც ირგვლივ დაბნეული იყურება.

უცნობია, როდის არის ვიდეო გადაღებული, ასევე უცნობია ვიდეოს შესახებ დამატებით დეტალები.

• ცნობისთვის, კანონის მხარდამჭერები დარწმუნებულნი არიან, რომ ქორწინების ასაკის შემცირება 18-დან 9 წლამდე სრულად შეესაბამება შარიათის კანონს და "დაეხმარება გოგონებს მოზარდობის პერიოდში ამორალური ცხოვრების წესის თავიდან აცილებაში".

ცვლილებების მოწინააღმდეგეები ცდილობდნენ დაერწმუნებინათ ერაყის ხელისუფლება, რომ ასეთი ქორწინება პედოფილიის ლეგალიზებას და არასრულწლოვან გოგონების გაუპატიურებას გამოიწვევდა, თუმცა უშედეგოდ.