მწერალი აკა მორჩილაძე ნობელის პრემიაზე წარადგინეს. ინფორმაციას ამის შესახებ ქართული ლიტერატურის ინსტიტუტი აქვეყნებს.
"პატივი გვაქვს გაცნობოთ, რომ შოთა რუსთაველის სახელობის ქართული ლიტერატურის ინსტიტუტის, თსუ ჰუმანიტარულ მეცნიერებათა ფაკულტეტის პროფესურისა და შედარებითი ლიტერატურის ქართული ასოციაციის საბჭოს ერთობლივი გადაწყვეტილებით, 2025 წლის ნობელის პრემიაზე ლიტერატურის დარგში, განმეორებით, წარდგენილია მწერალ აკა მორჩილაძის კანდიდატურა.
წარმატება მას და სრულიად საქართველოს!" - ნათქვამია გამოქვეყნებულ ინფორმაციაში.