"დეკანოიძე "ტოპ კონტრიბუტორი" გამხდარა ამ ნაცთმოძულე ჯგუფში" - რას წერს მამუკა მდინარაძე მაგისტრალების გადაკეტვაზე დაწერილ იდეაზე
"მაგისტრალების გადაკეტვის იდეამ ქოცები გადააფსიხა. მგონი სწორ ადგილას ვართ. გაუმარჯოს სერბ ხალხს" - ამის შესახებ ტელეწამყვანი ნანუკა ჟორჟოლიანი წერს.
ცნობისთვის, "ფეისბუკის" ჯგუფ "დაიტოვეში" გავრცელდება იდეები, რომ სამოქალაქო საზოგადოებამ ცენტრალური გზები გადაკეტოს.
- "სერბეთის მაგალითზე, მოვემზადოთ, დავგეგმოთ და გადავკეტოთ მნიშვნელოვანი მაგისტრალები. ეს არის პროტესტის ფორმა" - დაწერა "ერთიანობა-ნაციონალური მოძრაობის" წევრმა ხატია დეკანოიძემ ჯგუფში.
დეკანოიძის იდეასთან დაკავშირებით კომენტარი ასევე სოციალურ ქსელში გააკეთა უმრავლესობის ლიდერმა მამუკა მდინარაძემ.
"თვითორგანიზებული პროტესტიაო; ნაცები რა შუაშია, ჩვენც გვეზიზღებიანო; ამასობაში დეკანოიძე “ტოპ კონტრიბუტორი” გამხდარა ამ ნაცთმოძულე ჯგუფში, მაგრამ შეიძლება სხვა სახელით და გვარით იყო აქამდე, ასპროცენტიანი გამოაგდებენ" - დაწერა მდინარაძემ.
