"უარი თქვა აშშ-ს პასპორტზე და დაბრუნდა რუსეთში" - როგორ ცხოვრობს პაველ ბურე, სოფო ნიჟარაძის პირველი შეყვარებული, მრავალშვილიანი მამა და მსოფლიო ჰოკეის ვარსკვლავი
ამერიკაში მას "რუსულ რაკეტას" უწოდებდნენ. ელვისებური სიჩქარემ ყინულის მოედანზე და გოლების ვირტუოზულმა გატანამ მოწინააღმდეგის კარში, ის მსოფლიოს ჰოკეის ვარსკვლავად აქცია. ამერიკაში ცხოვრებისა, მიუხედავად იმისა, რომ მას მუდმივად თან დასდევდა ტრავმები, პაველ ბურეს დღემდე უწოდებენ საუკეთესო მოთამაშეს, რომელიც ოდესმე „ვანკუვერ კენაქსის“ მაისურით თამაშობდა. წარმატებული კარიერის დასრულების შემდეგ ბურე რუსეთში დაბრუნდა.
სპორტული კარიერა და ემიგრაცია ამერიკაში
პაველი დაიბადა მოსკოვში, 1971 წელს, სპორტული ტრადიციების მქონე ოჯახში. მამა17-გზის სსრ კავშირის ჩემპიონი ცურვაში. ბიჭი უმცროს ძმასთან ერთად ხშირად სტუმრობდა საცურაო აუზსა და სპორტულ დარბაზს. მამა იმედოვნებდა, რომ შვილები მის კვალს გაჰყვებოდნენ და ცურვით დაინტერესდებოდნენ, მაგრამ პაველი ჰოკეიმ გაიტაცა.
მისი კარიერა წარმატებით განვითარდა. მსოფლიო ჩემპიონატზე ბრწყინვალე თამაშის გამო, საუკეთესო თავდამსხმელად დაასახელეს. იმ დროს რუსი სპორტსმენებით უკვე ინტერესდებოდნენ უცხოური კლუბები. მალე პაველ ბურეს ცხოვრებაში ყველაფერი შეცვალა - მისი მეგობარი და გუნდში პარტნიორი ალექსანდრ მოგოლნი ამერიკაში გაიქცა. სტოკჰოლმში თამაშისას, ამერიკის საელჩოს მიმართა და პოლიტიკური თავშესაფარი მოითხოვა.
ამ მოვლენამ დიდი გავლენა მოახდინა ცსკა-ს ნაკრების წევრების ცხოვრებაზე, განსაკუთრებით იმ ადამიანებისთვის, რომლებიც მეგობრობდნენ მოგოლნისთან.
ცხოვრება აშშ-ში და კონფლიქტი მამასთან
1991 წელს, საბჭოთა კავშირის დაშლამდე, ბურე ოჯახით ამერიკაში წავიდა. ის უკვე ცნობილი იყო საზღვარგარეთ, როგორც ნიჭიერი და პერსპექტიული ჰოკეისტი, ამიტომ არ გასჭირვებია „ვანკუვერ კენაქსთან“ კონტრაქტის გაფორმება. ხოლო მამა მისი პირადი მწვრთნელი გახდა.
პაველი, როდესაც მამასთან ერთად ამერიკაში მიდიოდა, არ იცოდა, რომ მას უკვე დიდი ხანია მეორე ოჯახი ჰყავდა, სადაც მისი ნახევარ და იზრდებოდა. ვლადიმირ ბურე არ იყო გაშორებული პაველის დედასთან, ამიტომ მშობლიურ რუსეთში მისი რეპუტაცია შეირყა და კარიერა დაენგრა.
ცოტა ხანში მშობლები გაშორდნენ, ხოლო პაველმა საერთოდ შეწყვიტა ურთიერთობა მამასთან.
პაველ ბურეს დებიუტი NHL-ში შედგა 1991 წლის ნოემბერში და იქცა ნამდვილ სენსაციად ჩრდილოეთ ამერიკის ჰოკეის სამყაროში. პირველივე სეზონში პაველმა 34 გოლი გაიტანა და გახდა ერთ-ერთი ყველაზე პერსპექტიული მოთამაშე NHL-ში.
მისი კარიერა საზღვარგარეთ სწრაფად განვითარდა. 1992-93 წლებში პაველმა დააფიქსირა გოლების რეკორდი და გახდა პირველი „ვანკუვერ კენაქსის“ მოთამაშე, რომელიც NHL-ის პირველი ვარსკვლავების გუნდში მოხვდა. მისი კარიერის პიკი დაემთხვა 1994 წელს, როდესაც შეძლო სტენლის თასის ფინალში გასვლა, თუმცა მალევე არაერთი ტრავმა მიიღო, რომელთან გამკლავებაც რთული აღმოჩნდა.
კარიერის დასრულება და სამშობლოში დაბრუნება
პაველ ბურეს კარიერის დასაწყისში NHL-მ რუსეთის სპორტულ ფედერაციას დიდი თანხა გადაუხადა სპორტსმენში, რის შემდეგაც მან ამერიკის მოქალაქეობა მიიღო.
პაველ ბურე 12 სეზონი თამაშობდა NHL-ში (1991-2003 წლებში), აქედან შვიდი სეზონი „ვანკუვერ კენაქსში“, ოთხი - „ფლორიდა პენტერზში“ და მხოლოდ ერთი სეზონი „ნიუ-იორკ რეინჯერსში“, თუმცა შემდეგ, ხშირი ტრავმებისა და ხანგრძლივი მკურნალობის გამო, რომელმაც მოსალოდნელი შედეგები არ მოიტანა, მისი კარიერა დასრულდა. პაველ ბურე აღიარეს როგორც ერთ-ერთი საუკეთესო მოთამაშე NHL-ის ისტორიაში, მისი სახელი შევიდა საერთაშორისო ჰოკეის დიდების დარბაზში, ხოლო ნომერი 10, რომელსაც ის ატარებდა, ამოიღეს გუნდის მაისურებიდან.
პაველს არაერთხელ შესთავაზეს მწვრთნელის პოზიციაზე დარჩენა, მაგრამ ყოველთვის უარს ამბობდა.
2016 წელს ბურე საბოლოოდ დაბრუნდა რუსეთში და უარი თქვა ამერიკის მოქალაქეობაზე. იმავე წელს ის შეუერთდა ცსკა-ს მმართველობის საბჭოს, ხოლო ხუთი წლის შემდეგ გახდა რუსეთის ჰოკეის ფედერაციის სპეციალური მრჩეველი საერთაშორისო საკითხებში. გარდა ამისა, პაველი დაკავებულია ბიზნესითა და ქველმოქმედებით.
38 წლის ასაკში, 2009 წელს პირველად შექმნა ოჯახი. მედიაში წერენ, რომ ეს ქორწინება დედის დაჟინებული თხოვნით შედგა, რომელიც შვილს სთხოვდა, რომ მისთვის შვილიშვილები ეჩუქებინა. ახალგაზრდა მოდელი თურქეთში დასვენების დროს გაიცნო, რომელთანაც სამი შვილი შეეძინა.
პაველ ბურე და სოფო ნიჟარაძე
როდესაც სოფო ნიჟარაძე მოსკოვში ცხოვრობდა, ვრცელდებოდა ინფორმაცია, რომ მასზე ჰოკეისტი პაველ ბურე იყო შეყვარებული, თუმცა ეს ქორწინებაც არ შედგა. წყვილს ხშირად ხედავდნენ ერთად სხვადასხვა მოსკოვურ წვეულებებზე, ბურე სოფიას სპექტაკლების სტუმარიც იყო. წლების შემდეგ, როცა წყვილი დაშორდა, ამბობდნენ, რომ პაველმა ნიჟარაძეს ხელიც სთხოვა, მაგრამ... ბოლოს, ბურემ მასთან დასამშვიდობებლად დარეკა - ამერიკაში მიემგზავრებოდა. შეხვედრაც კი ვერ შეძლეს. სოფომ ცხოვრება ძველებურად განაგრძო.
ერთხელაც, რუსეთში ცხოვრებისას, როდესაც სოფო სცენაზე კვლავ გარდაისახა ჯულიეტად, უზარმაზარი თაიგული მიართვეს - ბარათს მოჰკრა თვალი, იცნო! ეს პაველ ბურეს სავიზიტო ბარათი იყო, რომელზეც მისივე ხელით ოქროსფერი ასოებით ეწერა: "Блистательной Джульиетте - Софии!" ის ბარათი ახლაც შენახული აქვს...
2008 წელს სოფიას და პაველ ბურეს გზები საბოლოოდ გაიყო, რუსეთ-საქართველოს ომის გამო, სოფომ რუსეთში აწყობილი კარიერა დატოვა, რამდენიმე თვეში კი პაველ ბურე დაქორწინდა.