ბრაზილიაში მიწის ჩამოშლის გამო საგანგებო მდგომარეობა გამოცხადდა
ბრაზილიაში, მარანჰაოს შტატში, მიწის ჩამოშლის შედეგად საგანგებო მდგომარეობა გამოცხადდა. რამდენიმე შენობა უკვე დანგრეულია და დაახლოებით 1200 ადამიანი შესაძლოა სახლის გარეშე დარჩეს.
- ”ბოლო რამდენიმე თვის განმავლობაში, ზომები გაფართოვდა, არსებითად მიუახლოვდა დასახლებულ ტერიტორიას,” - ნათქვამია ქალაქის მთავრობის მიერ ამ თვის დასაწყისში გამოქვეყნებულ საგანგებო განკარგულებაში.
მოსახლეობა მიწის ჩამოშლას წვიმას, ქვიშიან ნიადაგს, არასწორად დაპროექტებულ სახლებსა და ტყეების განადგურებას აბრალებს. ნიადაგის დიდი ეროზია ბრაზილიაში ცნობილია, როგორც " voçoroca ", ძველი წარმოშობის სიტყვა, რაც "დედამიწის განადგურებას" ნიშნავს. პრობლემა უფრო ძლიერდება წვიმის დროს.
ბურიტკუპუს საზოგადოებრივი სამუშაოების მდივანმა და ინჟინერმა ლუკას კონსეისაომ თქვა, რომ მუნიციპალიტეტს ამ საკითხთან გამკლავების საშუალება აშკარად არ აქვს. ეროზიულ მოვლენებთან ბრძოლა ორგანიზაციულ, სამეურნეო-აგროტექნიკურ, სატყეო-სამეურნეო, ფიტო-სამელიორაციო და ჰიდროტექნიკურ ღონისძიებათა კომპლექსის ჩატარებას მოითხოვს.