დედამიწასთან გიგანტური ასტეროიდის შეჯახების ალბათობა 0,0017%-მდე შემცირდა: რას აცხადებენ მეცნიერები

სათაურმა: აღმოაჩინეს დედამიწისკენ მიმავალი გიგანტური ასტეროიდი, რომელიც სავარაუდოდ პლანეტაზე სიცოცხლის ნაწილს გაანადგურებს, - მსოფლიოში პანიკა გამოიწვია.

თუმცა, როგორც theguardian-ი წერს, ახლა შეგვიძლია შვებით ამოვისუნთქოთ. ახალი გამოთვლებით, დედამიწასთან შეჯახების ალბათობა ახლა იმდენად მცირეა, რომ მხოლოდ 0,0017%-ს შეადგენს.

წლის დასაწყისში, 2024 YR4 -ის ტრაექტორიის გამოთვლის შედეგად დადგინდა, რომ ასტეროიდის დედამიწასთან შეჯახების ალბათობა 3.1%-ი იყო. ითვლებოდა, რომ შეჯახებისას მას შეეძლო 7,8 მეგატონა ენერგიის გამოყოფა, რაც უდიდეს აფეთქებას გამოიწვევდა.

ექსპერტები ყურადღებით აკვირდებოდნენ ასტეროიდის ტრაექტორიას, რის შემდეგაც NASA-ს მონაცემებმა აჩვენა, რომ შანსი 0.0017%-მდე შემცირდა.

• ცვლილება მოულოდნელი არ იყო. როგორც ევროპის კოსმოსური სააგენტოს წარმომადგენელმა აღნიშნა, ასტეროიდის შეჯახების ალბათობა თავიდან ხშირად იზრდება, შემდეგ კი იწყებს კლებას.

“ეს ასტეროიდი იყო კარგი დემონსტრირება იმისა, თუ რატომ არის ეფექტური დაკვირვებები,“ - ამბობს პლანეტარული ასტრონომიის პროფესორი ედინბურგის უნივერსიტეტში, კოლინ სნოდგრასი.

მისივე თქმით, ასეთი გაფრთხილებები, სავარაუდოდ, უფრო ხშირი გახდება.

“ჩვენ უნდა შევეჩვიოთ ასეთ გაფრთხილებებს - რადგან ვერა რუბინის ახალი ობსერვატორია ცის სკანირებას ამ წლის ბოლოს დაიწყებს. კიდევ ბევრ ასტეროიდს ვიპოვით და ზოგიერთ მათგანს უდავოდ დასჭირდება დამატებითი ყურადღება შეჯახების გამოსარიცხად“, - თქვა მან.

წყარო

იხილეთ ასევე:

• მეცნიერებმა გამოთვალეს სავარაუდო თარიღი, როცა გიგანტური ასტეროიდი შესაძლოა, დედამიწას შეეჯახოს - "მას შეუძლია პატარა ქალაქი რუკიდან წაშალოს"
• ჩინეთი ასტეროიდის დედამიწასთან შეჯახების საფრთხის გამო მზადებას იწყებს - ქვეყანაში "პლანეტარული თავდაცვის ძალების" რეკრუტირება ხორციელდება