ჰოლივუდის ლეგენდარული ვარსკვლავი, ოსკაროსანი მსახიობი საკუთარ სახლში ცოლთან ერთად, გარდაცვლილი იპოვეს

ლეგენდარული ამერიკელი მსახიობი, ოსკაროსანი ჯინ ჰეკმენი და მისი მეუღლე ბეტსი არაკავა საკუთარ სახლში, ნიუ მექსიკოში გარდაცვლილები იპოვეს.

• ჰეკმენმა კარიერის განმავლობაში, რომელიც 6 ათწლეულზე მეტხანს გაგრძელდა, ორჯერ მოიპოვა ოსკარი, არი ორი ბაფტას, ოთხი ოქროს გლობუსის და კინომსახიობთა გილდიის ჯილდოს მფლობელი.

"ჩვენ შეგვიძლია დავადასტუროთ, რომ ჯინ ჰეკმენი და მისი მეუღლე გარდაცვლილები იპოვეს თავიანთ სახლში“, - ნათქვამია პოლიციის განცხადებაში.

მათივე ცნობით, მიმდინარეობს გამოძიება გარდაცვალების მიზეზებთან დაკავშირებით. მკვდარი იპოვეს ასევე მათი ძაღლი.

ჰეკმენმა საუკეთესო მსახიობი მამაკაცის კატეგორიაში ოსკარი მოიპოვა 1971 წელს, The French Connection-ში შესრულებული მთავარი როლისთვის, ხოლო მეორე ოსკარი საუკეთესო მეორე ხარისხოვანი როლისთვის მიიღო კლინტ ისტვუდის ფილმში, Unforgiven შესრულებული როლისთვის, 1992 წელს.

ჯინ ჰეკმანი თამაშობდა ლეგენდარულ ფილმში, "ბონი და კლაიდი" - ის ბაკ ბაროუს როლს ასრულებდა.

ჰეკმენი 95 წლის იყო, ხოლო მისი მეუღლე 63 წლის.