"ვმუშაობ, როგორც სხვები... მე არანაირი ვიდეო არ გამივრცელებია, სოფლებში მიგვაქვს მედიკამენტები და აგვყავს "ენერგო პროს" თანამშრომლები" - თალაკვაძე

რამდენიმე დღიანმა დიდთოვლობამ პრობლემები შექმნა გურიისა და აჭარის რეგიონებში. დიდთოვლობის შედეგად მოქალაქეთა ნაწილი გარე სამყაროს იყო მოწყვეტილი. ამ დრომდე სხვადასხვა სოფლებში აქტიურად მიმდინარეობს გზის გაწმენდის სამუშაოები, ასევე მოსახლეობას მედიკამენტებითა და საკვებით ამარაგებენ სამაშველო სამსახურის წარმომადგენლები, ასევე მოხალისეები.

• ადგილზე რამდენიმე დღეა იმყოფებიან ხელისუფლების წარმომადგენლები, მათ შორის "ქართული ოცნების" წევრი და ოზურგეთის მერის ძმა, არჩილ თალაკვაძე. სწორედ მისი ვიდეო ვრცელდება გუშინდელი საღამოდან აქტიურად, სადაც ჩანს, რომ თალაკვაძე სოფელ ჯუმათში ბურანით ავიდა. ვიდეოს მთის ამბები / mtisambebi.ge ავრცელებს.

AMBEBI.GE არჩილ თალაკვაძეს დაუკავშირდა, რომელიც ამჟამად გურიის რაიონის სოფელ ჯუმათში იმყოფება:

"მე არაფერი გამივრცელებია, ვმუშაობ, როგორც სხვები... ამჟამად სოფელ ჯუმათში ვართ, დიდი თოვლისგან მოწყვეტილ სოფლებში მიგვაქვს მედიკამენტები, საკვები და აგვყავს „ენერგო-პრო“-ს თანამშრომლები, ელექტროენერგია რომ ჩავრთოთ. შევისვენებთ 10 წუთს და ისევ გავდივართ. ბოდიშს გიხდით, მეტს ვეღარ გიპასუხებთ".

წაიკითხეთ ასევე:

• "როცა ქვეყანაში სტიქია მძვინვარებს, ეს დაახლოებით, ომის ანალოგია" - მიხეილ ყაველაშვილი