უკრაინული შოუ-ბიზნესის წარმომადგენელი ოლეგ კენზოვი სკანდალში გაეხვა, მიზეზი ქვეყნის დატოვება და მესამე ცოლია, რომელიც ეროვნებით ქართველია. მომღერლის ყოფილმა მეუღლემ, რომელსაც უკრაინაში Dj Madonna-თი იცნობენ, დაშორების შემდეგ პირველად ისაუბრა ყოფილი ქმარზე და მისი პირადი ცხოვრების დეტალები გაამხილა.
შეგახსენებთ, რომ უკრაინაში მიმდინარე ფართომასშტაბიანი ომის დაწყებისას, კენზოვი თავდაპირველად ცდილობდა უკრაინულ ენაზე ემღერა, გმობდა რუსეთის შეჭრას ქვეყანაში და პატრიოტულ სიმღერებსაც კი ქმნიდა.
მომღერლის ყოფილმა ცოლმა, უკრაინის მედიისთვის მიცემულ ინტერვიუში განაცხადა, რომ კენზოვი ამჟამად საბერძნეთში იმყოფება. უფრო მეტიც, მან აღნიშნა, რომ კენზოვი ცდილობს მიიღოს საქართველოს მოქალაქეობა – კერძოდ, მან იქორწინა ქართველ ქალზე და მათ უკვე ჰყავთ შვილი.
"ის ახლა საბერძნეთშია. მესამე ცოლი ქართველია. საქართველოს მოქალაქეობაზე შეიტანა განცხადება. უკვე ბავშვიც შეეძინათ," – ამბობს Dj Madonna.
ყოფილი მეუღლე აღშფოთებულია იმით, რომ ზოგიერთი უკრაინელი კვლავ მეგობრობს კენზოვთან, თუმცა იმედი აქვს, რომ სკანდალურ არტისტის ადგილი უკრაინაში აღარ ექნება.
რაც შეეხება, კენზოვს, ინსტაგრამზე გამოქვეყნებულ რამდენიმე ვიდეოში ჩანს, რომ საქართველოშია. ფოტოებზე კი სადაც ცოლთან ერთად ჩანს, ქართული კომენტარები აქვს.
„საქართველო გიხდება. შენი ცოლი კი უბრალოდ მშვენიერია. თქვენი შვილი კიდევ უფრო ლამაზი იქნება.“ - წერენ კომენტარებში.