"კვარას" არაერთი შანსი, ალისონ ბეკერის გმირობა და ბოლო წუთების დრამა - ლივერპულმა PSG დაამარცხა (ვიდეო)
პარიზში, ჩემპიონთა ლიგის მერვედფინალურ მატჩში, PSG-მ "ლივერპულს" უმასპინძლა.
- დაპირისპირებამ მოლოდინი გაამართლა, ფეხბურთელებმა სანახაობრივი თამაში აჩვენეს და ბევრი საინტერესო მომენტი შემოგვთავაზეს.
უპირატესობა პარიზულ გრანდს ჰქონდა, რომლის რიგებშიც განსაკუთრებით გამოირჩეოდა ფეხბურთის ქართველი ვარსკვლავი, ხვიჩა კვარაცხელია. მან გოლიც გაიტანა, თუმცა სამწუხაროდ, თამაშგარე მდგომარეობიდან - შესაბამისად, გოლი გაუქმდა.
- ხვიჩას არაერთი შანსი ჰქონდა, თუმცა არ გაუმართლა და გარდა ამისა, "ლივერპულის" მეკარე ალისონ ბეკერი გმირულად თამაშობდა და "კვარას" დარტყმული ურთულესი ბურთები მოიგერია.
PSG-ს მთავარმა მწვრთნელმა, ლუის ენრიკემ ხვიჩა კვარაცხელია მატჩის 77-ე წუთზე შეცვალა.
მიუხედავად პარიზელების უდიდესი უპირატესობისა, მატჩის 87-ე წუთზე, შეცვლაზე შესულმა ჰარვი ელიოტმა გოლი გაიტანა და "ლივერპული" დააწინაურა. ელიოტმა გოლი მოედანზე შესვლიდან სულ რაღაც 1 წუთში გაიტანა.
მატჩი საბოლოოდ "ლივერპულის" გამარჯვებით 0-1 დასრულდა
- ნახეთ "კვარას" გაუქმებული გოლის ვიდეო: