სამხრეთ კორეაში, სამხედრო წვრთნებისას, 8 ბომბი შეცდომით დასახლებულ ადგილას ჩააგდეს - დაშავდა 7 ადამიანი, 4-ის მდგომარეობა კრიტიკულია (ფოტო/ვიდეო)
სამხრეთ კორეის საჰაერო ძალებმა ბოდიში მოიხადა მას შემდეგ, რაც მათმა ერთ-ერთმა მოიერიშე თვითმფრინავმა წვრთნების დროს, შემთხვევით, რვა ბომბი არასწორ ადგილას ჩამოაგდო, რის შედეგადაც მშვიდობიანი მოქალაქეები დაშავდნენ.
გამოცემა წერს, ბომბი ქალაქ პოჩეონში საცხოვრებელ უბანში ჩამოვარდა, რის შედეგადაც შვიდი ადამიანი დაშავდა. ოთხის მდგომარეობა მძიმეა. დაზიანებულია რამდენიმე საცხოვრებელი კორპუსი და ეკლესია.
“რვა MK-82 ტიპის ზოგადი დანიშნულების ბომბი ნორმიდან გადახვევით იქნა გაშვებული საჰაერო ძალების KF-16 თვითმფრინავიდან და პოლიგონს მიღმა დაეშვა. უკიდურესად ვწუხვართ ბომბების გაუთვალისწინებელი გაშვების გამო, რამაც გამოიწვია მშვიდობიანი მოსახლეობის დაზიანება და დაშავებულებს სწრაფ გამოჯანმრთელებას ვუსურვებთ”, - ნათქვამია საჰაერო ძალების განცხადებაში.
ქალაქი პოჩეონი ჩრდილოეთ კორეასთან საზღვრიდან 25 კილომეტრში მდებარეობს. საჰაერო ძალების განცხადებით, ერთობლივ წვრთნებში მონაწილეობენ, როგორც საჰაერო ძალები, ასევე არმია. საინფორმაციო სააგენტო Yonhap-ის ცნობით, სამხრეთ კორეა პოჩეონში წვრთნებს შეერთებულ შტატებთან ერთად მართავს.