ევაკუირებული ახალშობილები, დანგრეული გზები, წყლით დაფარული მანქანები - არგენტინაში წყალდიდობას ებრძვიან: არის მსხვერპლი (ფოტოები)
არგენტინის ერთ-ერთ საპორტო ქალაქში უამინდობის შედეგად, სულ მცირე, ექვსი ადამიანი დაიღუპა. პარასკევს, დედაქალაქ ბუენოს-აირესის სამხრეთ-დასავლეთით მდებარე ბაია ბლანკაში ძლიერი წვიმა მოვიდა.
ხელისუფლების განცხადებით, განადგურებულია ხიდები და გზები. მათივე ვარაუდით, მსხვერპლის რაოდენობა შეიძლება გაიზარდოს. ქალაქში 350 000 ადამიანი ცხოვრობს. აუცილებელი გახდა ჩვილების ევაკუაცია საავადმყოფოს ახალშობილთა განყოფილებიდან.
მერის ფედერიკო სუსბიელესის ოფისის ცნობით, ქალაქიდან 1321 ადამიანი ევაკუირება მოახერხეს. ბაია ბლანკას აეროპორტი დაიკეტა. ელექტრო დარტყმის რისკის შესამცირებლად ელექტროენერგიის მიწოდება შეწყვიტეს. ქალაქის მეტეოროლოგიური სამსახურისგან მზადყოფნაში რჩება.
ქალაქის მერმა ფედერიკო სუსბიელსმა თქვა, რომ "სიტუაცია ძალიან კრიტიკული გახდა".
”დაღუპულთა რიცხვი ექვსამდე გაიზარდა და ამ მომენტისთვის არ არის გამორიცხული, რომ რაოდენობა გაიზარდოს,” - თქვა მან. პრეზიდენტმა ხავიერ მილეიმ მოითხოვა ყველა რესურსის სრული მობილიზება - შეიარაღებული ძალების ჩათვლით.
მილეის სპიკერმა მანუელ ადორნის თქმით, პრეზიდენტმა გააუქმა დაგეგმილი აქტივობები მენდოზას პროვინციაში, მაგრამ არ დაუკონკრეტებია, ეწვევა თუ არა ის სტიქიის ადგილს.