ტრამპის წარმომადგენელი მოსკოვში ჩავიდა

ახლო აღმოსავლეთის საკითხებში აშშ-ის პრეზიდენტის, დონალდ ტრამპის სპეციალური წარმომადგენლის, სტივ უიტკოფის თვითმფრინავი მოსკოვის "ვნუკოვო 2“-ის აეროპორტში დაეშვა, - ინფორმაციას რუსული მედია ავრცელებს.

• დღესვე რუსეთის პრეზიდენტის პრესსპიკერმა, დიმიტრი პესკოვმა დაადასტურა, რომ აშშ-ის წარმომადგენლებთან კონტაქტები იგეგმება.

მისივე თქმით, რუსეთი სიტუაციის მოგვარების თაობაზე თავის პოზიციას მას შემდეგ განსაზღვრავს, რაც აშშ-ის წარმომადგენლებისგან მიიღებს ინფორმაციას ვაშინგტონისა და კიევის დელეგაციებს შორის საუდის არაბეთში გამართული შეხვედრის შესახებ.