30-ზე მეტი დაღუპული, ათობით დაკარგული და დაშავებულები - აშშ-ს დამანგრეველი ტორნადო დაატყდა თავს, 100-ზე მეტ ლოკაციაზე გაჩნდა ხანძარი (ფოტო/ვიდეო)
ამერიკის შეერთებულ შტატების სამხრეთით, რამდენიმე შტატს დამანგრეველი ტორნადოები და ქარიშხალი დაატყდა თავს.
მასშტაბური ზარალი მიადგა მისურის, არკანზასის, ტეხასისა და ოკლაჰომას შტატებს.
დაღუპულია 33-ზე მეტი ადამიანი, ათობით დაშავდა.
ნანგრევებად იქცა ასობით საცხოვრებელი სახლი. მწყობრიდან გამოსულია ელექტრომომარაგების სისტემები. ელექტროენერგიის გარეშეა ასობით ათასი მომხმარებელი.
გარდა აღნიშნულისა, სტიქიის ზონაში გაჩნდა ტყის 100-ზე მეტი ხანძარი. ხანძარმა დააზიანა 300-ზე მეტი სახლი. განხორციელდა პერიმეტრზე მცხოვრები მოსახლეობის სასწრაფო ევაკუაცია.
სამძებრო-სამაშველო სამუშაოებში 50-ზე მეტი ვერტმფრენი იყო ჩართული.
მისისიპის ადმინისტრაციის ინფორმაციით ამ დრომდე ეძებენ დაკარგულებს. ყველაზე მეტი ადამიანი სწორედ მისისიპიში დაიღუპა.
რეგიონებში, სადაც ექსტრემალურმა ამინდმა ტორნადო გამოიწვია, 100 მილიონზე მეტი ადამიანი ცხოვრობს.
იხილეთ ასევე: