შემთხვევით ნაპოვნ ნამარხში 113 მილიონი წლის “ჯოჯოხეთის ჭიანჭველას“ უძველესი სახეობა იპოვეს - რა წერია კვლევაში

ახალი კვლევის თანახმად, ბრაზილიის მუზეუმის კოლექციაში ნაპოვნ, აქამდე შეუმჩნეველ ნამარხში ჭიანჭველას უძველესი ნიმუში აღმოჩნდა.

პრეისტორიული ჭიანჭველა დინოზავრებს შორის 113 მილიონი წლის წინ ცხოვრობდა და მსხვერპლის მოკვლის უჩვეულო ხერხი ჰქონდა.

სან-პაულოს უნივერსიტეტის ზოოლოგიის მუზეუმის მკვლევარმა, ანდერსონ ლეპეკომ, განაცხადა, რომ „უჩვეულო“ ნიმუშს 2024 წლის სექტემბერში, მაშინ წააწყდა, როდესაც სან-პაულოს უნივერსიტეტის ზოოლოგიის მუზეუმში დაცული ნამარხების კოლექციას ათვალიერებდა.

მუზეუმი ნამარხ მწერების მსოფლიოში ერთ-ერთი უდიდეს კოლექციას ფლობს და შეიცავს ნიმუშებს ბრაზილიის ჩრდილო-აღმოსავლეთით მდებარე გეოლოგიური ადგილიდან, რომელიც ცნობილია თავისი განსაკუთრებული ნამარხებით.

ჟურნალ „Current Biology“-ში გამოქვეყნებული კვლევის თანახმად, კირქვაში შემონახული, ახლად აღწერილი გადაშენებული მწერი, ეგრეთ წოდებული “ჯოჯოხეთის ჭიანჭველაა“. ეს არის Haidomyrmecinae-ის ქვეოჯახის წევრი, რომელიც ცარცულ პერიოდში, 66-დან 45 მილიონ წლამდე ცხოვრობდა და არცერთ ცოცხალ ჭიანჭველასთან არ არის დაკავშირებული.

• ნამარხ სახეობას Vulcanidris cratensis ეწოდა. მას ცელის მსგავსი ყბები ჰქონდა, რომლებსაც, სავარაუდოდ მსხვერპლის დასაჭერად იყენებდა.

„უბრალოდ შოკირებული ვიყავი, როდესაც ამ (მწერის) თავის წინ ეს უცნაური გამონაზარდი დავინახე. სხვა ჯოჯოხეთის ჭიანჭველებიც აღწერილია უცნაური ყბებით, მაგრამ ყოველთვის ქარვისფერი ნიმუშებით“, - თქვა კვლევის წამყვანმა ავტორმა ლეპეკომ.

მანამდე საფრანგეთსა და მიანმარში ქარვაში დამარხული სხვა ცარცული ჯოჯოხეთის ჭიანჭველებიც იპოვეს, თუმცა ისინი დაახლოებით 99 მილიონი წლის წინანდელია.

კვლევაში აღნიშნულია, რომ დღეს ჭიანჭველები პლანეტაზე მწერების ერთ-ერთი ყველაზე თვალსაჩინო და მრავალრიცხოვანი ჯგუფია, რომლებიც ანტარქტიდის გარდა ყველა კონტინენტზე გვხვდება.

წყარო

იხილეთ ასევე: