რა ვითარებაა პროკურატურასთან, სადაც საპროტესტო მსვლელობის მონაწილეები მივიდნენ (ფოტოები)
მეტროსადგურ "დიდუბის" მიმდებარე ტერიტორიაზე შეკრებილმა აქციის მონაწილეებმა საქართველოს პროკურატურასთან გადაინაცვლეს.
- აქციის მონაწილეებს ადგილზე საქართველოსა და ევროკავშირის დროშები აქვთ მოტანილი, ასევე სხვადასხვა შინაარსის ბანერებიც.
აქციის მონაწილეები სკანდირებენ - "ბოლომდე", "საქართველოს გაუმარჯოს", "ხმაური"
საპროტესტო მსვლელობის მონაწილეებს გაშლილი აქვთ ბანერი წარწერით: "გადადგეს არალეგიტიმური მთავრობა, თავისუფლება რეჟიმის ტყვეებს".
ასევე, ადგილზე მობილიზებულია საპატრულო და კრიმინალური პოლიციის რამდენიმე ეკიპაჟიც, რომლებსაც უწყების შესასვლელთან კორდონი აქვთ გაკეთებული.
ფოტო: გიორგი ნიკოლიშვილი, ინტერპრესნიუსი
