შსს ავრცელებს გორში, მამა-შვილის მკვლელობაში ბრალდებულის დაკავების კადრებს (ვიდეო)
პოლიციამ გორში მომხდარ მკვლელობის და დაჭრის ფაქტთან დაკავშირებით 1 პირი ცხელ კვალზე დააკავა
შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, ორი ან ორზე მეტი პირის მიმართ, დამამძიმებელ გარემოებაში ჩადენილი განზრახ მკვლელობის მცდელობის ბრალდებით 1975 წელს დაბადებული ს.ა. ცხელ კვალზე დააკავეს.
დანაშაული 20 წლამდე ან უვადო თავისუფლების აღკვეთას ითვალისწინებს.
გამოძიებით დადგინდა, რომ ბრალდებულმა გორში, ურთიერთშელაპარაკების ნიადაგზე, ცეცხლსასროლი იარაღიდან გასროლით ორ პირს, მამა-შვილს რამდენიმე ჭრილობა მიაყენა. მიყენებული დაზიანებების შედეგად 1993 წელს დაბადებული გ.ც. ადგილზე გარდაიცვალა, ხოლო 1970 წელს დაბადებული დ.ც. სამედიცინო დაწესებულებაში გადაიყვანეს.
ჩატარებული საგამოძიებო მოქმედებების შედეგად, სამართალდამცველებმა ბრალდებული, ცხელ კვალზე, შემთხვევის ადგილზე დააკავეს. გამოძიება სისხლის სამართლის კოდექსის 19-109-ე მუხლის „ლ“ ქვეპუნქტით მიმდინარეობს.
შეგახსენებთ, დღეს, დილით, დაახლოებით, 10 საათზე, გორში, მამა-შვილს ესროლეს. შსს-ს ცნობით, დაკავებულია ერთი პირი. დანაშაული წმინდაწყალის უბანში, სავაჭრო ცენტ "გალერეის" მიმდებარედ მოხდა. თვითმხილველების თქმით, სროლას წინ ურთიერთშელაპარაკება უძღოდა. Qartli.ge -ს ინფორმაციით, ფინანსურ დავასთან დაკავშირებით, ჩხუბი წინა დღეებშიც მოხდა.
ახლახან გაირკვა, რომ კლინიკაში გადაყვანილი მამაკაციც გარდაიცვალა.
იხილეთ ასევე: