მარიამ როინიშვილს და ვახო კანდელაკს პირველი საერთო შვილი შეეძინათ - რა დაარქვეს ახალშობილს

მარიამ როინიშვილი მეორე შვილის დედა გახდა. მარიამისა და მსახიობ ვახო კანდელაკისთვის ეს პირველი საერთო შვილია. წყვილს გოგონა შეეძინა, რომელსაც კირა დაარქვეს.

• სასიხარულო ამბის შესახებ ინფორმაცია სოციალურ ქსელში მარიამის მამამ, მსახიობმა გია როინიშვილმა გამოაქვეყნა.

"კირა კანდელაკი მოევლინა ამ სამყაროს! ღმერთმა ბედნიერი და დღეგრძელი ამყოფოს! კიდევ ერთი შვილიშვილი", - წერს როინიშვილი.

მომღერალ მარიამ როინიშვილისა და მსახიობ ვახო კანდელაკის რომანის შესახებ რამდენიმე თვის წინ გახდა ცნობილი. მართალია, მარიამი ამ თემაზე საჯარო საუბრისგან თავს იკავებდა, მაგრამ ვახომ პირველად AMBEBI.GE-სთან დაადასტურა, რომ ისინი ერთად იყვნენ.

მარიამ როინიშვილს საზოგადოება ბავშვობიდან იცნობს, როდესაც პოპულარულ დედასთან, თამრიკო ჭოხონელიძესთან იდგა სცენაზე.

ადრეულ ასაკში მსახიობ გიორგი მახარაძეზე დაოჯახდა, თუმცა წყვილის ქორწინება დიდხანს არ გაგრძელებულა. მათ საერთო ქალიშვილი ჰყავს. წლების შემდეგ გიორგი მახარაძე მეორედ მსახიობ მარიამ ნადირაძეზე დაოჯახდა.

რაც შეეხება ვახო კანდელაკს, ის მსახიობია და ტელეწამყვანად წლებია, რაც სხვადასხვა არხზე მუშაობს. მას პირველი ქორწინებიდან 11 წლის ვაჟი ჰყავს, მისი მეუღლე ჟურნალისტი თაკო ასათიანი გახლდათ.