"გადასცემდა ინფორმაციას რუსული სამხედრო კონტინგენტის, აქ არსებულ პოლიტიკურ ვითარებაზე" - ოკუპირებულ ცხინვალში ქართულ სპეცსამსახურებთან თანამშრომლობის ბრალდებით მამაკაცი დააკავეს

ოკუპირებულ "სამხრეთ ოსეთში" ე.წ. სახელმწიფო უშიშროების კომიტეტის (კგბ) განცხადებით, დააკავეს 1974 წელს დაბადებული მამაკაცი საქართველოს სპეცსამსახურებთან თანამშრომლობის ბრალდებით დააკავეს..

• დაკავებულის ვინაობა არ გახმაურებულა. სავარაუდოდ, მედიის ინფორმაციით, სავარაუდოდ ის ადგილობრივი საწარმოს თანამშრომელი იყო.

"მას ჰქონდა სტაბილური კონტაქტი საქართველოს სახელმწიფო უსაფრთხოების სამსახურის წარმომადგენლებთან, რომლებსაც გადასცემდა ინფორმაციას რესპუბლიკაში განლაგებული რუსული სამხედრო კონტინგენტების, მათი სპეციალური სამხედრო ოპერაციის ზონაში გამგზავრების, ასევე სამხრეთ ოსეთში არსებული შიდა პოლიტიკური ვითარების შესახებ“, - აცხადებენ ცხინვალში.

დაკავებულის წინააღმდეგ საქმე "სახელმწიფო ღალატის“ მუხლით აღიძრა. " ე.წ. სახელმწიფო უშიშროების კომიტეტის ცნობით, ბრალდებულმა აღიარა დანაშაული და აქტიურად თანამშრომლობს გამოძიებასთან“.

მათივე განცხადებით, იდენტიფიცირებულია "სამხრეთ ოსეთის" კიდევ ხუთი მოქალაქე, რომლებიც კონტაქტში იყვნენ საქართველოს სახელმწიფო უსაფრთხოების სამსახურის წარმომადგენლებთან, მაგრამ მათ მიერ გავრცელებული ინფორმაცია არ შეიცავდა სახელმწიფო საიდუმლოებას სამხრეთ ოსეთში სოციალურ-პოლიტიკური ვითარების შესახებ“.

სისხლისსამართლებრივი დევნისთვის საჭირო საკმარისი მასალების არარსებობის გამო, ხუთივე პირს გაფრთხილება მისცეს.

წყარო