წაუგებელი სერია მსოფლიო ჩემპიონატის მეორე დივიზიონში - საქართველოს ჰოკეის ნაკრებმა ახალ ზელანდიაში მესამე გამარჯვება მოიპოვა

საქართველოს ყინულის ჰოკეის ეროვნულმა ნაკრებმა მსოფლიო ჩემპიონატის მეორე დივიზიონის B ჯგუფის მესამე მატჩში ბულგარეთს დაძაბული ოვერტაიმი მოუგო - 8:7.

• სამი გოლი მაკარ ნიკიშანინმა გაიტანა, ორი ნიკიტა ბუკიამ, თითო გოლი ივან კარლინმა, კონსტანტინე გავრილენკომ და ბორის კოჩკინმა.

ცნობისთვის საქართველოს ყინულის ჰოკეის ეროვნული ნაკრების ბირთვს რუსი სპორტსმენები შეადგენენ.

ამ გამარჯვებამდე ნაკრებმა 4:0 მოუგო ისლანდიას, ხოლო ტურნირის მასპინძელ ახალ ზელანდიას 5:0.

გუნდი შემდეგ მატჩებს ტაივანისა და ტაილანდის წინააღმდეგ გამართავს.

ტურნირის გამარჯვებული მსოფლიო ჩემპიონატის მეორე დივიზიონის A ჯგუფში გადავა. შარშან საქართველომ ამას ვერ მიაღწია: ნაკრებi გადამწყვეტ მატჩში ბელგიასთან დამარცხდა.