Starlink-ის კონკურენტი - "ამაზონმა" Kuiper -ის ინტერნეტ თანამგზავრები წარმატებით გაუშვა: რა არის ცნობილი ახალი პროექტის შესახებ

Amazon-მა ინტერნეტ თანამგზავრების, Kuiper -ის პირველი პარტია კოსმოსში წარმატებით გაუშვა.

• თანამგზავრები კანავერალის კოსმოსური ძალების სადგურიდან 29 აპრილს, საღამოს 7 საათის შემდეგ კოსმოსური რაკეტით გაუშვეს - მასზე Kuiper-ის 27 თანამგზავრი იყო მოთავსებული.

მოსალოდნელია, რომ თანამგზავრები რაკეტისგან განცალკევდებიან დედამიწის ზედაპირიდან 450 კმ-ის სიმაღლეზე.

"ინტერნეტთან დაკავშირებაში ახალი ერა დაიწყება", - თქვა ინჟინერმა კალებ ვაისმა.

• ცნობისთვის, Kuiper არის ილონ მასკის Starlink-ის კონკურენტი პროექტი. პროექტის შესახებ "ამაზონის" დამფუძნებელმა ჯეფ ბეზოსმა "სტარლინკის" გაშვებიდან 6 წლის შემდეგ გამოაცხადა. ამჟამად ბაზარზე სწორედ მასკის starlink დომინირებს და მის ანგარიშზე ორბიტაზე 8000 თანამგზავრია.

"ამაზონი" გეგმავს, რომ თანამგზავრების გაშვების პროცესი მუდმივი გახდეს. 2026 წლისთვის Kuiper -ის თანამგზავრების რაოდენობა 1618-ს შეადგენდეს.

Amazon-ი 10 მილიარდ დოლარს ხარჯავს Kuiper-ის ქსელის გასავითარებლად. ვარაუდობენ, რომ კომერციული ინტერნეტ მომსახურების გაწევას ამ წლის ბოლოს დაიწყებენ მომხმარებლებისთვის, საწარმოებისთვის და მთავრობისთვის.