ჩაშლილი ტერაქტი - ბრაზილიის პოლიციამ დააკავა 2 ადამიანი, რომლებიც ლედი გაგას კონცერტზე აფეთქებას გეგმავდნენ: რა დეტალები ხდება ცნობილი

ბრაზილიის პოლიციამ რიო-დე-ჟანეიროში ლედი გაგას კონცერტზე ბომბის აფეთქების გეგმა ჩაშალა.

რიო-დე-ჟანეიროს შტატის სამოქალაქო პოლიციამ, იუსტიციის სამინისტროსთან კოორდინაციით, განაცხადა, რომ ეჭვმიტანილებმა სოციალურ მედიაში პოპულარობის მოპოვების მიზნით იმპროვიზირებული ასაფეთქებელი ნივთიერებების გამოყენებით სცადეს აფეთქების მოწყობა.

• პოლიციის განცხადებით, დაგეგმვაში მონაწილე ადამიანი და ერთი თინეიჯერი დააკავეს.

გავრცელებული ინფორმაციით, უფასო კონცერტზე დასასწრებად 2 მილიონზე მეტი ადამიანი იმყოფებოდა.

• პოლიციის თქმით, თავდასხმაში მონაწილე ჯგუფი ბავშვების, მოზარდებისა და ლგბტქ თემის წინააღმდეგ სიძულვილის ენას ავრცელებდა და თავს ლედი გაგას ფანებად ასაღებდა.

სავარაუდო ორგანიზატორი ცეცხლსასროლი იარაღის უკანონო შენახვისთვის დააკავეს, მოზარდი კი ბავშვების პორნოგრაფიის შენახვისთვის დაკავდა.

მასშტაბური უსაფრთხოების ოპერაციის ფარგლებში, ლედი გაგას კონცერტზე 5000 პოლიციელი იყო მობილიზებული და დამსწრეებს მეტალოდეტექტორების გავლა მოუწიათ. ღონისძიების კონტროლისთვის ასევე გამოიყენეს დრონები და სახის ამოცნობის კამერები.

წყარო:bbc

მოამზადა: ანა სიბოშვილმა