მხოლოდ ერთი კვირით ვაჟა-ფშაველას სერიის პირველი ტომი სპეციალურ ფასად - 8 ლარად იქნება ხელმისაწვდომი

შეავსეთ თქვენი ბიბლიოთეკა მთავარი წიგნებით „პალიტრა L-თან“ ერთად - 5 მაისიდან მხოლოდ ერთი კვირით ვაჟა-ფშაველას შემოქმედების სერიის 1-ლი ტომი 8 ლარად იქნება ხელმისაწვდომი.

დიდი მწერლისა და პოეტის შემოქმედებას „პალიტრა L-ი“ 5 ტომად გამოსცემს. თითოეული ტომი თვეში ერთხელ გამოვა და ერთი კვირის განმავლობაში მის შეძენას სპეციალურ ფასად შეძლებთ.

სერია მწერლის თითქმის სრულ შემოქმედებას აერთიანებს:

• ტომი I – ლექსები;
• ტომი II – ლექსები;
• ტომი III – პოემები („გველის მჭამელი“, „ალუდა ქეთელაური“, „ბახტრიონი“, „შვლის ნუკრის ნაამბობი“ და სხვა);
• ტომი IV – მოთხრობები;
• ტომი V – მოთხრობები, წერილები და პუბლიცისტიკა.

პირველი ტომის შეძენა სპეციალურ ფასად უკვე შესაძლებელია „პალიტრა L“-ის ვებგვერდსა და აპლიკაციაში, ასევე „ბიბლუსის“ მაღაზიებსა და პრესის გავრცელების ჯიხურებში.

გამომცემლობა „პალიტრა L“-ის ახალი სერია კარგი შესაძლებლობაა, შეაგროვოთ ქართველი კლასიკოსი მწერლის შემოქმედება, ხელმისაწვდომ ფასად.

R