"კვარას" მორიგი მაგიური თამაში - პსჟ არსენალს პარიზშიც ამარცხებს: პირველი ტაიმის მთავარი მომენტები

პარიზში ჩემპიონთა ლიგის ნახევარფინალის მეორე შეხვედრა მიმდინარეობს, სადაც ერთმანეთს პარი სენ-ჟერმენი და ლონდონის არსენალი უპირისპირდებიან. პირველი მატჩი ლონდონში პარიზელების მინიმალური უპირატესობით, ანგარიშით 0-1 დასრულდა.

• "პარი სენ-ჟერმენის" ძირითადი შემადგენლობა ასეთია:

დონარუმა, ჰაკიმი, მარკინიოსი, პაჩო, მენდეში, ნევეში, ვიტინია, რუისი, ბარკოლა, დუე, კვარაცხელია

• რაც შეეხება "არსენალს, ლონდონელები მოედანზე ასეთი შემადგენლობით გამოვიდნენ:

რაია, ტიმბერი, სალიბა, კივიორი, ლუის სკელი, პარტეი, რაისი, ოდეგორი, საკა, მარტინელი, მერინო.

მატჩი არსენალის უდიდესი უპირატესობით დაიწყო და საწყის წუთებში არაერთი საგოლე შანსი შექმნეს, თუმცა პარიზელების მეკარე ჯანლუიჯი დონარუმა შესანიშნავად თამაშობდა.

თამაშის მე-17 წუთზე "კვარამ" მეტოქის კარისკენ უძლიერესად დაარტყა, თუმცა ბურთი კარის ძელს მოხვდა.

• მიუხედავად "არსენალის" უპირატესობისა, გოლი პსჟ-მ გაიტანა - მატჩის 27-ე წუთზე ფაბიან რუისმა კვარაცხელიას მიერ მოპოვებული ჯარიმა იდეალურად შეასრულა და ანგარიში 1-0 გახდა.

შეგახსნებთ, რომ ჩემპიონთა ლიგის ფინალი 31 მაისს, მიუნხენში გაიმართება. პსჟ-არსენალის წყვილიდან გასული გუნდი ფინალში "ინტერს" დაუპირისპირდება.