როგორ დასრულდა ცნობილი ინგლისელი ფეხბურთელების უეინ რუნისა და ჯეიმი ვარდის ცოლების დაპირისპირება? - "ვაგათა კრისტის საქმე", რომელმაც ბრიტანელები ხუმრობის ხასიათზე დააყენა
ლონდონის უმაღლეს სასამართლოში სრულდება ვარსკვლავური სასამართლო პროცესი: კოლინ რუნიმ, ინგლისური ფეხბურთის ლეგენდის, უეინ რუნის მეუღლემ, რებეკა ვარდს, ინგლისური ფეხბურთის ლეგენდის, ჯეიმი ვარდის მეუღლეს, ჯამში 3 მილიონ ფუნტზე მეტი მოუგო.
კოლინ რუნი რებეკა ვარდს აბრალებდა, რომ ის მისი პირადი, საჯაროდ დახურული "ინსტაგრამის" ანგარიშიდან იღებდა ინფორმაციას და შემდეგ ამ ინფორმაციას ბრიტანულ ტაბლოიდ The Sun-ზე ყიდდა.
ვარდიმ რუნის ცილისწამებისთვის უჩივლა, მაგრამ წააგო. საბოლოოდ, მან უკვე გადაიხადა 1,8 მილიონი ფუნტი თავად საქმეზე, ახლა კი უმაღლესმა სასამართლომ გადაწყვიტა, რომ მან კიდევ 1,4 მილიონი ფუნტი სასამართლო ხარჯების დასაფარად უნდა გადაიხადოს.
ეს საქმე მაქსიმალურად ღია რეჟიმში მიმდინარეობდა, რამაც კოლინ რუნი და რებეკა ვარდი მათ ქმრებზე არანაკლებ ვარსკვლავებად აქცია. ორივე ამჟამად მედიაში მუშაობს და ქველმოქმედებით არის დაკავებული. პრესაში ამ პროცესს "ვაგათა კრისტის საქმე" უწოდეს - დამცინავი და ირონიული აბრევიატურისგან WAG (wives and girlfriends - ცოლები და შეყვარებულები).
ტაბლოიდები დიდი ხანია ასე ეძახიან ფეხბურთელების ცოლებსა და საყვარელ ქალებს საკმაოდ თავისუფალი ცხოვრების წესის გამო: მათ ძალიან უყვართ ქმრებთან ერთად ევროპის დიდ ტურნირებზე გამგზავრება, სადაც ბუტიკებში ტანსაცმელს ყიდულობენ, საღამოობით კი ძვირადღირებულ სასტუმროებში კოქტეილებს სვამენ და ხშირად ეხვევიან სკანდალებში.
ეს ამბავი 2019 წელს დაიწყო, როდესაც კოლინ რუნის "ინსტაგრამის" დახურული ანგარიშიდან ინფორმაცია ტაბლოიდ The Sun-ში გამოჩნდა. ლეგენდარული ინგლისელი თავდამსხმელის მეუღლემ საკუთარი გამოძიება დაიწყო. მან მაშინვე გამორიცხა ეჭვმიტანილთა სიიდან ის გამომწერები, რომლებიც ლივერპულში დაიბადნენ ან ცხოვრობენ, როგორც თავად და მისი ქმარი (საქმე იმაშია, რომ ქალაქი მრავალი წლის განმავლობაში ბოიკოტს უცხადებდა The Sun-ს ჰილსბოროს ტრაგედიის მიკერძოებული გაშუქების გამო, სადაც 1989 წელს ჭყლეტაში "ლივერპულის" 97 გულშემატკივარი დაიღუპა). ამრიგად, ინფორმაციის გაჟონვის მთავარი ეჭვმიტანილი გახდა რებეკა ვარდი, ფეხბურთელ ჯეიმი ვარდის ცოლი, რომელიც ამჟამად "ლესტერში" ბოლო სეზონს თამაშობს. გარდა ამისა, რებეკა ხშირად წერდა კოლინ რუნს, გამოხატავდა მის მიმართ სიმპათიას ან თანაგრძნობას მის პოსტებთან დაკავშირებით და ხშირად სთხოვდა ამა თუ იმ დეტალის დაზუსტებას.
კოლინ რუნიმ თავისი ანგარიშის პარამეტრები შეცვალა ისე, რომ ახალი პოსტების ნახვა მხოლოდ რებეკა ვარდს შეეძლო, და დაიწყო განზრახ ცრუ ინფორმაციის გამოქვეყნება. ასე გაიგეს The Sun-ის მკითხველებმა, რომ რუნების ოჯახის სახლში სარდაფი დაიტბორა. საბოლოოდ, ტაბლოიდმა დაწერა, რომ კოლინ რუნი მონაწილეობას მიიღებდა ადგილობრივ "ცეკვავენ ვარსკვლავებში". არცერთი ეს ინფორმაცია სიმართლე არ იყო.
შემდეგ კოლინ რუნიმ იმჟამინდელ "ტვიტერზე" დაწერა, რომ ინფორმაციის "გავრცელებაში" რებეკა ვარდს ადანაშაულებდა. ამის საპასუხოდ ვარდმა ინგლისის უმაღლეს სასამართლოში ცილისწამებისთვის სარჩელი შეიტანა. სასამართლო პროცესი 2022 წლის მაისში დაიწყო. ჟურნალისტებთან საუბრისას იურისტები აღნიშნავდნენ, რომ მსგავსი ცილისწამების საქმე, მით უმეტეს, უმაღლეს ინსტანციაში, აბსურდი იყო. ჩვეულებრივ, ასეთი სარჩელები კერძო, სასამართლოს გარეშე მაქსიმალურად დახურულ რეჟიმში წყდება, პირველ რიგში, იმისთვის, რომ მხარეებმა რეპუტაციული ზიანი აირიდონ თავიდან. მაგრამ ეს პროცესი ხმაურიანი იყო და ჟურნალისტები ხშირად მხიარულობდნენ პროცესზე დასწრებისას. ორივე მხარე ჩვენებას იწყებდა სიტყვებით: "თუ გულახდილი ვიქნები...", რამაც საბოლოოდ მოსამართლე გააღიზიანა, რომელმაც შეახსენა, რომ ისინი ფიცის ქვეშ აძლევდნენ ჩვენებას და ეს თავისთავად უნდა ნიშნავდეს, რომ ისინი სიმართლეს ამბობენ.
რებეკა ვარდის დაკითხვისას გაირკვა, რომ მთავარი მტკიცებულება, ტელეფონი, რომელშიც მიმოწერა ინახებოდა, თითქოს ზღვაში ჩაუვარდა, როდესაც ქმართან ერთად შოტლანდიაში ისვენებდა. არადა, ვარდის აგენტმა, კეროლაინ უოტმა, შეტყობინებების მიმღებმა და, როგორც ჩანს, შუამავალმა (სასამართლომ ეს დანამდვილებით ვერ დაადგინა) ვარდსა და ტაბლოიდს შორის, განაცხადა, რომ ისინი შემთხვევით წაშალა.
პრესამ ყურადღება გაამახვილა იმაზე, რომ პროცესის ორივე მონაწილემ ის ლამის დეფილედ აქცია - სხდომებზე ყოველ ჯერზე მსოფლიოს წამყვანი დიზაინერების ტანსაცმელში მიდიოდნენ.
სასამართლოში მოწმეებად მათი ქმრებიც გამოვიდნენ, უეინ რუნი და ჯეიმი ვარდი, რომლებიც 2016 წელს ინგლისის ნაკრებში ერთად თამაშობდნენ. პრესას მოეჩვენა, რომ ისინი ერთმანეთისადმი უფრო მეგობრულად იყვნენ განწყობილნი, ვიდრე მათი ცოლები.
დიდი ბრიტანეთის სასამართლოებში გადაღება აკრძალულია, დარბაზში მხოლოდ მხატვრებს შეუძლიათ მუშაობა, რომლებიც ჩანახატებს აკეთებენ. მათგან სამი, რომლებიც ერთ სტილში მუშაობდნენ - ამ პროცესის ცალკე გმირები გახდნენ - მათი თავისებური ხატვის მანერის გამო, სადაც პერსონაჟები საკუთარ თავს ნაკლებად ჰგავდნენ. ასე რომ, უეინ რუნიმ სოციალურ ქსელებსა და პრესაში სიმსუქნით ცნობილ მეფე ჰენრი VIII-სთან შედარება დაიმსახურა, მისმა მეუღლემ, კოლინმა კი - ალფრედ ჰიჩკოკის საკულტო ფილმიდან "ფსიქო" ნორმან ბეიტსის დედასთან. რებეკა ვარდი კ იმაიკლ ჯექსონს შეადარეს.
სასამართლოს ძირითადი ნაწილი 2022 წლის ზაფხულში დასრულდა. სასამართლომ კოლინ რუნის ჩვენებები გაცილებით სანდოდ მიიჩნია და მას 1,8 მილიონი ფუნტის ოდენობის კომპენსაცია მიაკუთვნა. რებეკა ვარდმა განაცხადა, რომ ძალიან დამწუხრებული იყო, მაგრამ გადაწყვეტილების გასაჩივრებას არ აპირებდა.
ამ დღეებში სასამართლო წყვეტს, რომელმა მხარემ და რა ოდენობით უნდა გადაიხადოს სასამართლო ხარჯები. გადაწყვეტილება უახლოეს დღეებშია მოსალოდნელი, როდესაც მხარეები განიხილავენ, ვინ უნდა გადაიხადოს ჯერ კიდევ შეუთანხმებელი ხარჯების ნაშთი, მაგრამ წინასწარი შედეგი უკვე ცნობილია. დაახლოებით 90%-ის - 1,4 მილიონი ფუნტის გადახდა, რებეკა ვარდს მოუწევს.
რებეკა ვარდმა ჯერ კიდევ 2023 წელს დაარეგისტრირა სახელწოდება "ვაგათა კრისტი" სასაქონლო ნიშნად და გეგმავს ამ ბრენდის ქვეშ კოსმეტიკის, სასმელების, საიუველირო ნაწარმისა და ტანსაცმლის გამოშვებას.