"მე პრეზიდენტ პუტინს მივეცი სიტყვა, რომ დღეს აქ ვიქნებოდი და სიტყვა შევასრულე" - ალექსანდრ ვუჩიჩი და რობერტ ფიცო კრემლის ფონზე პოზირებენ (ფოტოები)
სერბეთის პრეზიდენტი, ალექსანდრ ვუჩიჩი და ასევე სლოვაკეთის პრემიერ მინისტრი, რობერტ ფიცო მოსკოვში, 9 მაისის ღონისძიებაზე დასასწრებად იმყოფებიან. ვუჩიჩი კრემლის ფონზე, ფიცოსთან ერთად გადაღებულ ფოტოებს აქვეყნებს.
- "ძმური შეხვედრა სლოვაკეთის პრემიერ-მინისტრ რობერტ ფიცოსთან მოსკოვში. სერბები და სლოვაკები სამუდამოდ ძმები არიან", - წერს ვუჩიჩი.
- ალექსანდრ ვუჩიჩის განცხადებით, რუსეთის ლიდერს, ვლადიმერ პუტინს პირობა მისცა, რომ მეორე მსოფლიო ომში გამარჯვების 80 წლისთავზე მოსკოვში ჩავიდოდა და პირობა შეასრულა.
"იცით, მე პრეზიდენტ პუტინს მივეცი სიტყვა, რომ დღეს აქ ვიქნებოდი და სიტყვა შევასრულე, რაც ვთქვი. ვფიქრობ, ეს ჩვენთვის ძალიან მნიშვნელოვანია“, - განაცხადა ვუჩიჩმა.
მისი თქმით, პუტინთან მოლაპარაკებები და ორმხრივი ურთიერთობების განვითარება მნიშვნელოვანია ბელგრადისთვის.
შეგახსენებთ, ალექსანდრ ვუჩიჩი მოსკოვში გამარჯვების დღისადმი მიძღვნილ ღონისძიებაზე დასასწრებად ჩავიდა.