სტიქია ბათუმში - ძლიერი ქარის გამო სამშენებლო ინვენტარის ჩამოშლის შედეგად ცოლ-ქმარი დაშავდა, უამინდობის გამო დაშვებას ვერ ახერხებს სტამბოლი-ბათუმის რეისი
ძველ ბათუმში, პიაცას მოედანთან ძლიერი ქარის გამო სამშენებლო ინვენტარის ჩამოშლის შედეგად ცოლ-ქმარი დაშავდა.
- როგორც სასწრაფო-სამედიცინო დახმარების ცენტრში “ინტერპრესნიუსს” განუცხადეს, დაშავებულები ბათუმის სამედიცინო ცენტრში არიან გადაყვანილი. არსებული ინფორმაციით, მამაკაცის ჯანმრთელობის მდგომარეობა შედარებით მძიმეა.
ცნობისთვის, ბათუმში ძლიერმა ქარმა პრობლემები შექმნა. ქალაქის ნაწილს არ მიეწოდება ელექტროენერგია. უამინდობის გამო აეროპორტში დაშვებას ვერ ახერხებს სტამბოლი-ბათუმის რეისიც.
გარდა ამისა, ბათუმის საერთაშორისო აეროპორტის ინფორმაციით, ერთ-ერთი საერთაშორისო რეისი ბათუმის ნაცვლად თბილისში დაეშვა.