400-მილიონიანი საჩუქარი ტრამპს კატარისგან: "მფრინავი სასახლე" - თვითმფრინავი სართულებს შორის კიბით, მდიდრული ავეჯით, სათათბირო ოთახით და ლაუნჯით
აშშ-ის პრეზიდენტი, დონალდ ტრამპი აცხადებს, რომ კატარისგან 400-მილიონ დოლარიანი "საჩუქარი" მიიღო. ეს არის თვითმფრინავი Boeing 747-8, რომელიც აშშ-ის თავდაცვის უწყების მფლობელობაში და ტრამპის სარგებლობაში იქნება და რომელსაც ასე უწოდებენ - "სასახლე ცაში".
- როგორ მედია წერს, ტრამპმა კი უწოდა თვითმფრინავს "საჩუქარი", მაგრამ აშშ-სთვის რეალურად ეს "უფასო საჩუქარი" სულაც არ არის და სანაცვლოდ, აუცილებლად ექნება კატარს "რაღაცის" მოლოდინი.
ამავე თემაზე აპელირებენ "დემოკრატები" და თვლიან, რომ ასეთი ძვირადღირებული თვითმფრინავი არ შეიძლება იყოს საჩუქარი და რომ აშშ-ს გარკვეული ფასის გადახდა მოუწევს.
"ის ფაქტი, რომ თავდაცვის დეპარტამენტი იღებს საჩუქარს, უფასოდ... იმდენად აწუხებს არაკეთილსინდისიერ დემოკრატებს, რომ ისინი დაჟინებით მოითხოვენ, ჩვენ თვითმფრინავისთვის უმაღლესი ფასი გადავიხადოთ", - დაწერა ტრამპმა სოციალურ მედიაში.
გეგმის მიხედვით, მდიდრული თვითმფრინავი ჯერ თავდაცვის დეპარტამენტის ბალანსზე, ხოლო შემდეგ დონალდ ტრამპის საპრეზიდენტო ბიბლიოთეკის მფლობელობაში იქნება.
"დემოკრატების" აზრით, ეს ქმნის ყველანაირი სახის ინტერესთა კონფლიქტს და პირდაპირ ეჯახება კონსტიტუციის მუხლს, რომელიც უცხოურ საჩუქრებს კრძალავს.
ტრამპმა შეიძლება განაცხადოს, რომ ეს მხოლოდ მეგობრების მხრიდან "კარგი ჟესტია"; ბოლოს და ბოლოს, მას და მის ოჯახს, ისევე, როგორც მის მეგობარს და საკონტაქტო პირს ახლო აღმოსავლეთში, სტივ ვოტკოფს კატარელებთან კარგი ურთიერთობა აქვს.
- აღსანიშნავია, რომ ამ საჩუქრის მიღების პარალელურად, დონალდ ტრამპის ვაჟმა, ერიკ ტრამპმა კატარულ კომპანიასთან 5.5 მილიარდ დოლარიან გარიგებას მოაწერა ხელი. კონტრაქტი დოჰადან ჩრდილოეთით, 65 კილომეტრის დაშორებით, გოლფის კლუბისა და ვილების აშენებას ითვალისწინებს. მოსალოდნელია, რომ ეს ტრამპების ოჯახს მილიონობით დოლარს მოუტანს.
ასეა თუ ისე, კატარი გავლენის გაფართოების მცდელობებითაა ცნობილი.
ამასთანავე, ტრამპი და მისი ოჯახი ასევე ზრუნავენ თავიანთ კრიპტო პროექტებზე, $TRUMP-სა და World Financial Liberty-ზე, რაც უცხოელ მყიდველთა სპექტრს იზიდავს.
- ტრამპის გუნდი ამტკიცებს, რომ პრეზიდენტის ყველა ქმედება ქვეყნის სასარგებლოდაა მიმართული, მაგრამ ყველა უცხოური ინვესტიციისა და ინტერესთა კონფლიქტის გათვალისწინებით , ტრამპის ოპონენტები ამბობენ, რომ ახლა 400 მილიონი დოლარის თვითმფრინავის ჩათვლით, ისინი უფრო პრეზიდენტის პირადი სარგებლისკენ მიმართულად ჩანს.
რაც შეეხება უშუალოდ ბოინგს, ის 460 ადამიანს იტევს, სტანდარტული ბიზნეს კლასის სავარძლების მხოლოდ ხუთი რიგი აქვს, ხოლო უზარმაზარ თვითმფრინავში დარჩენილი სივრცე ლაუნჯისთვისაა გამოყოფილი - ბიზნეს კლასის განყოფილება და ლაუნჯი კი ერთმანეთთან კიბით არის დაკავშირებული.
- Business Jet Traveler-ის ცნობით, ითვლება, რომ ეს არის მსოფლიოში ერთ-ერთი ყველაზე მდიდრული თვითმფრინავი.
ბორტზე თითქმის ყველა ოთახში არის რბილი ხალიჩები, ტყავის დივნები და ოქროსფერი ავეჯი.
მედიაში ვრცელდება თვითმფრინავის ინტერიერის ფოტოებიც:
