"რომელ თვეში გარდაიცვალა ჩემი შვილი? ღმერთო ჩემო, 30 მაისს" - ვრცელდება აუდიოჩანაწერი, რომელიც ადასტურებს, რომ ბაიდენს მეხსიერების პრობლემები აქვს

ყოფილმა პრეზიდენტმა ჯო ბაიდენმა 2023 წლის ოქტომბერში მიცემულ ინტერვიუში მეხსიერებასთან დაკავშირებული პრობლემები გამოავლინა - საუბრისას პრეზიდენტს უჭირდა თავისი პოლიტიკური და პირადი ცხოვრების ძირითადი დეტალების გახსენება, მათ შორის არ ახსოვდა შვილის გარდაცვალების თარიღიც.

ბაიდენი ჰურთან და თანაადვოკატ მარკ კრიკბაუმთან ერთად დაესწრო შეხვედრას, იმდროინდელი გენერალური პროკურორის მერიკ გარლანდის მიერ დაკვეთილი გამოძიების ფარგლებში, რომელიც ეროვნული უსაფრთხოების დოკუმენტების უკანონოდ შენახვას ეხებოდა.

ბაიდენის ადმინისტრაციამ უარი თქვა ჰურთან ინტერვიუების აუდიოჩანაწერების გამოქვეყნებაზე, თუმცა Axios-მა ჩანაწერები მაინც მოიპოვა.

• საუბრისას ბაიდენი პაუზებს აკეთებდა, ყოფილმა პრეზიდენტმა ვერც საკუთარი შვილის გარდაცვალების თარიღი გაიხსენა.

"გახსოვდეთ, ამ პერიოდში ჩემი შვილი... ჰმ... გარდაიცვალა... ასეც იყო... და სხვათა შორის, როდესაც სენატიდან გამოვედი, კიდევ ბევრი ადამიანი მამხნევებდა, რომ ამ პერიოდში კენჭი მეყარა - პრეზიდენტის გარდა“, - თქვა ბაიდენმა.

"რომელ თვეში გარდაიცვალა ბო ? ღმერთო ჩემო, 30 მაისს..."

"2015 წელი", - ჩაერია მისი ერთ-ერთი ადვოკატი.

"2015 წელს გარდაიცვალა?" - იკითხა ბაიდენმა.

"ასე იყო", - უპასუხა ადვოკატმა.

"მგონი, ეს 2015 წელი იყო", - თქვა ბაიდენმა.

Politico-ს ცნობით, ტრამპის ადმინისტრაცია სრული ჩანაწერების შაბათს გამოქვეყნებას გეგმავს.

წყარო