"კრის ჯენერი შვილს, კიმ კარდაშიანს ძალიან დაემსგავდა" - რატომ გამოიწვია აურზაური სტილისტის გამოქვეყნებულმა ფოტომ
შაბათს, როდესაც სტილისტმა კრის სტეპლტონმა სოციალურ მედიაში 69 წლის ვარსკვლავის ფოტოების სერია გააზიარა, კრის ჯენერის ფანები გაოცებულები დარჩნენ.
- მისი შვილი, 44 წლის კიმ კარდაშიანი პარიზში ჩვენებას აძლევდა შეიარაღებული ძარცვის საქმეზე, რომლის მსხვერპლიც გახდა, დედამისი კი საფრანგეთის დედაქალაქში კიმის მხარდასაჭერად იმყოფებოდა. ახალ ფოტოებზე კრისი თავის მეორე ქალიშვილს საოცრად ჰგავდა.
"ეს პოსტი უბრალოდ, კრის ჯენერის დაფასებას ეძღვნება, პარიზში თმა ყოველდღე ცოტა ეზრდებოდა. რომელია თქვენი საყვარელი იმიჯი? - დაწერა სტეპლტონმა ინსტაგრამზე.
ერთ ფოტოზე ჯენერს შავი ხავერდის კაბა თუ ზედა აცვია; სხვა ფოტოზე მამაკაცურ სტილში შექმნილი კოსტიუმით წარსდგა.
"მეგონა, ეს კიმი იყო და ცდილობდა, კრისს დამსგავსებოდა", - განაცხადა ერთ-ერთმა გაოცებულმა ფანმა.
"ის არაჩვეულებრივად გამოიყურება!" - დაწერა მეორემ.
- ბევრმა ივარაუდა, რომ კრისმა სახის გადაჭიმვის პროცედურა გაიკეთა და ასე ახალგაზრდულად იმიტომ გამოიყურებოდა.
"ეს სახის გაჭიმვა ძალიან მოუხდა," - ეწერა კომენტარებში.
სხვამ დაწერა: "უნდა ვთქვა, რომ ძალიან კარგი ქირურგი ჰყავს. ბომბივით გამოიყურება!"
სხვები ფიქრობდნენ, რომ რეალითი შოუს ვარსკვლავი ზედმეტად შორს წავიდა.
"თმა შესანიშნავად გამოიყურება, მაგრამ, ალბათ, ცოტა უნდა შეამციროს კოსმეტიკური ქირურგია, ფილერები და ა.შ.," - ურჩია ერთმა ფანმა კრისს.
ზოგიერთმა ჯენერის ვრცელი ფინანსური რესურსები ინატრა. "ნეტავ მისი ფული მქონოდა. საერთოდ ვერავინ მიცნობდა," - ეწერა ერთ კომენტარში.
"რატომაც არა, როცა ფული გაქვს, გარეგნული ახალგაზრდობა ბევრად მარტივია" - წერს კიდევ ერთი ფანი.