ბრიტანეთის პრემიერთან დაკავშირებული ქონებისთვის ცეცხლის წაკიდების ბრალდება კიდევ ერთ პირს წაუყენეს - სამიზნე იყო 2 სახლი და მანქანა: რა ხდება ცნობილი?

დიდ ბრიტანეთში მეორე ადამიანს წარუდგინეს ბრალდება პრემიერ-მინისტრ კირ სტარმერთან დაკავშირებული ქონებისთვის ცეცხლის გაჩენაში .

ბრალდებულია 26 წლის რუმინეთის მოქალაქე სტანისლავ კარპიუკი, რომელიც ცხოვრობს ლონდონის რაიონ რომფორდში.

მის მიმართ წაყენებულია ბრალდება განზრახ ხანძრის გაჩენა, რომელიც საფრთხეს უქმნიდა ადამიანების სიცოცხლეს. შემთხვევები ლონდონის ჩრდილოეთში მოხდა.

• დაკავება და გამოძიება

კარპიუკი 17 მაისს დააკავეს ლუტონის აეროპორტში.

ის ბრალდებულია, რომ მოქმედებდა უკრაინის მოქალაქე რომან ლავრინოვიჩთან და სხვა უცნობ პირებთან ერთად.

ამავე საქმეზე ლავრინოვიჩი უკვე დააკავეს გასულ კვირას.

• ცეცხლის წაკიდების 3 შემთხვევა

8 მაისს, ქენტიშ-თაუნში, ცეცხლი გაუჩნდა ავტომობილს (Toyota RAV4), რომელიც ადრე სტარმერს ეკუთვნოდა, მაგრამ გასულ წელს მიჰყიდა მეზობელს

11 მაისს, ზლინგტონში მრავალბინიან სახლში ერთ-ერთის კარს გაუჩნდა ცეცხლი, სადაც სტარმერი 1990-იან წლებში ცხოვრობდა .

12 მაისს კი სახანძრო სამსახური გამოიძახეს ქენტიშ-ტაუნში მდებარე სტარმერის სახლში, სადაც ის ოჯახთან ერთად ცხოვრობდა მანამ, ვიდრე პრემიერ-მინისტრი გახდებოდა. ახლა სახლს პრემიერის ნათესავი ქირაობს. დაზიანდა სახლის შესასვლელი კარი.

• ანტიტერორისტული გამოძიება

იმის გამო, რომ საქმე შეეხება ბრიტანეთის პრემიერ-მინისტრს, საქმეში ჩართულია ლონდონის პოლიციის ანტიტერორისტული დეპარტამენტი.

ორშაბათს ჩელსის რაიონში დაკავებული იქნა კიდევ ერთი პირი, რომელსაც ასევე ედება ბრალი ხანძრის გაჩენის მიზნით შეთქმულებაში. პოლიცია მის შესახებ მხოლოდ ის გაამხილა, დაკავებული 34 წლისაა.