უკრაინამ რუსეთს შეუტია - ოკუპანტის განცხადებით, ქვეყნის ტერიტორიაზე 105 უკრაინული დრონი ჩამოაგდეს, მოსკოვის აეროპორტებში “დროებითი შეზღუდვები“ დაწესდა

რუსეთის საჰაერო თავდაცვის ძალებმა ქვეყნის ტერიტორიაზე 105 უკრაინული დრონი ჩამოაგდეს. ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

„22 მაისს, მოსკოვის დროით 00:00 საათიდან 05:30 საათამდე, მორიგე საჰაერო თავდაცვის სისტემებმა 105 უკრაინული უპილოტო საფრენი აპარატი გაანადგურეს“, - აცხადებს რუსეთის თავდაცვის უწყება.

• მოსკოვის დომოდედოვოსა და ჟუკოვსკის აეროპორტებში „დროებითი შეზღუდვები“ დაწესდა, ხოლო მოსკოვის მერმა სობიანინმა განაცხადა, რომ დაახლოებით 30 დრონი ჩამოაგდეს.

ტულას გუბერნატორმა საჰაერო თავდასხმების მეათე ტალღა გამოაცხადა და საცხოვრებელი შენობები დააზიანა.

რუსული მედიის ცნობით, დრონი, რომელიც ტულაში ხუთსართულიან შენობას შეეჯახა. აფეთქების შედეგად, სახლის გარდა, რამდენიმე ავტომობილი დაზიანდა. განხორციელდა ბინადართა ევაკუაცია.

გარდა ამისა, უპილოტო საფრენი აპარატის ნამსხვრევები მოხვდა, კუტუზოვის ქუჩაზე მდებარე ადგილობრივ სპორტულ-გასართობ ცენტრ „ორუჟეინიკს“. ქუჩის ნაწილი საგანგებო სიტუაციების სამსახურმა გადაკეტა.

• დრონით თავდასხმის დროს დაშავდა ორი ადამიანი. მამაკაცი რეანიმაციაშია და ოპერაცია ჩაუტარდა. კიდევ ერთ ქალს ხელში ჭრილობა აქვს მიყენებული.

ტულას გარდა, უპილოტო საფრენი აპარატები მასიურად დაესხნენ ქალაქ “ნოვომოსკოვსკის“. ადგილობრივმა მაცხოვრებლებმა საჰაერო თავდაცვის სისტემის მიერ, დრონის მოგერიების დროს დაახლოებით 19 აფეთქება დაითვალეს.

უწყების ცნობით, ყველაზე მეტი - 35 დრონი - მოსკოვის ოლქში ჩამოაგდეს.

ამასთან, 14 დრონი ჩამოაგდეს ორიოლის ოლქში, 12 - კურსკში, 11 - ბელგოროდში, 10 - ტულის ოლქში, 9 - კალუგის ოლქში, 7 - ვორონეჟში, 3 - ლიპეცკის ოლქში, 3 - სმოლენსკის და 1 ბრიანსკის ოლქში.