სატრანსპორტო კოლაფსი, ავტობუსებიდან და მანქანებიდან ჩამოსული მგზავრები და კილომეტრიანი საცობი წყნეთი - ბაგების გზაზე - რა ვითარებაა ადგილზე (ფოტო/ვიდეო)

წყნეთი - ბაგების გზაზე დილიდან კილომეტრიანი საცობია, რომელმაც თბილისის ერთ-ერთ ყველაზე საკვანძო უბანში მოძრაობა მთლიანად გააჩერა.

სავარაუდოდ, სატრანსპორტო კოლაფსი, ვაკის რაიონში, ქაქუცა ჩოლოყაშვილისა და გიორგი წერეთლის ქუჩების რეაბილიტაციამ გამოიწვია. აღნიშნულ მონაკვეთზე საავტომობილო მოძრაობა 4 თვით შეიზღუდა.

საზოგადოებრივი ტრანსპორტის მგზავრები შუა გზაზე ჩამოდიან და გზას ფეხით აგრძელებენ.

გადატვირთულია წყნეთი- ბაგების გზა და ახალი ხიდი.

ცნობისთვის, 22 მაისის 00:00 საათიდან, ვაკის რაიონში, ქაქუცა ჩოლოყაშვილისა და გიორგი წერეთლის ქუჩების რეაბილიტაციის გამო, საავტომობილო მოძრაობა 4 თვით შეიზღუდა.

ფოტო: გიორგი ნიკოლიშვილი