უშბაზე დაღუპული მთამსვლელის თაობაზე საგანგებო სიტუაციების მართვის სააგენტო ინფორმაციას ავრცელებს

საგანგებო სიტუაციების მართვის სააგენტო უშბაზე ექსპედიციის დროს ტრაგიკულად დაღუპული ალპინისტის, სამთო გიდის ნიკოლოზ ფალიანის შესახებ განცხადებას ავრცელებს.

უწყების ინფორმაციით, მათ უშბაზე მყოფი 4 ადამიანიდან, სამის გადარჩენა შეძლეს.

“სააგენტოში შესული ინფორმაციის საფუძველზე, სვანეთში, უშბის მთაზე ქვეითად გადაადგილდებოდა 4 პიროვნება, რომელთაგან ერთ-ერთი მათგანი გადავარდა სიმაღლიდან.

უმოკლეს დროში, მეხანძრე-მაშველების მიერ მოხდა ძებნა-შველის ღონისძიების დაგეგმვა და თბილისიდან გაფრინდა სასაზღვრო პოლიციის ვერტმფრენი, საგანგებო სიტუაციების მართვის სამსახურის განსაკუთრებულ სიტუაციებზე რეაგირების ჯგუფთან ერთად.

მეხანძრე-მაშველების მიერ, 3600 მეტრის სიმაღლეზე, სამაშველო ღონისძიების ფარგლებში მოხდა 3 პიროვნების უვნებლად აყვანა ვერტმფრენში და გარდაცვლილი პიროვნების ცხედრის ნახვა.გარდაცვლილი მამაკაცის ცხედარი ჩასვენებულია მესტიაში,“ - აღნიშნულია განცხადებაში.

იხილეთ ასევე:

• "მწვერვალებზე შეყვარებული ნიკო ფალიანი აღარ ჰყავს სვანეთს…" - უშბაზე ახალგაზრდა მთამსვლელი დაიღუპა